back

मावि चलाउन २१ लाख चन्दा

वि.सं.२०७३ पुस ६ बुधवार

237 

shares
NTC AD
Global IME AD

६ पुस,बागलुङ । जिल्लाको अधिकारीचौरस्थित विद्या विकास माध्यमिक विद्यालयलाई स्थानीयवासीले २१ लाखभन्दा बढी रकम चन्दा सहयोग गरेका छन् ।

चालु शैक्षिकसत्रदेखि मावि तह सुरु गरेको विद्यालय आर्थिक समस्यामा परेपछि गाउँलेले रकम जुटाएका हुन् । विद्यालय प्रभावित क्षेत्रका ५० भन्दा बढी घरधुरीबाट २१ लाख २८ हजार रुपैयाँ आर्थिक सहयोग सङ्कलन भएको जनाइएको छ । शिक्षकको तलबभत्ता, पूर्वाधार निर्माण र कक्षा व्यवस्थापनका लागि सहायता जुटाइएको विद्यालयले जनाएको छ ।

विद्यालय व्यवस्थापन समितिका अध्यक्ष उमेश बुढाका अनुसार अभिभावकले न्यूनतम पाँच हजारदेखि एक लाख रुपैयाँसम्म सहयोग गरेका छन् । दलित र जनजाति समुदायका विद्यार्थीले अध्ययन गर्ने यस विद्यालयको मावि तह चलाउन समस्या भएपछि चन्दा सहयोग उठाइएको हो । “न्यून शिक्षक दरबन्दीका कारण आर्थिक भार थेग्न नसकेपछि अभिभावकबाट चन्दा सङ्कलन गरेका हौँ,” अध्यक्ष बुढाले भन्नुभयो – “चन्दा रकमबाट कोष निर्माण गरी त्यसैबाट विद्यालय चलाएका छौँ ।”

विद्यालय सञ्चालनका लागि अन्य कुनै स्रोत नभएपछि अभिभावकबाट चन्दा उठाउनुपर्ने बाध्यता आएको विद्यालय व्यवस्थापन समितिले जनाएको छ । यसअघि नजिकमा मावि तहको विद्यालय नहुँदा विद्यार्थीलाई घन्टौँ लगाएर अन्यत्रको विद्यालयमा जानुपर्ने बाध्यता थियो । विसंं २०१९ मा स्थापना भएको यस विद्यालयमा अधिकारीचौर–४, ५ र ६ का तीन सय १५ जना विद्यार्थीले पढ्दै आएका छन् । विद्यालयका प्रधानाध्यापक खुमबहादुर अदै र अधिकारीचौर वडा नं ५ का सुरेन्द्रकुमार बुढामगरले सबैभन्दा बढी एक–एक लाख रुपैयाँ सहयोग गर्नुभएको छ ।

कमजोर आर्थिक अवस्था भएका ३८ घरधुरीबाट चन्दा सहयोग नउठाइएको विद्यालयले जनाएको छ । विद्यालयमा एकजना शिक्षकको पनि स्थायी दरबन्दी छैन । आधारभूत तहमा चार अस्थायी र दुई राहत दरबन्दीका शिक्षकबाहेक सबै शिक्षक निजी स्रोतबाट राखिएको छ । निजी स्रोतका शिक्षकलाई तलबभत्ता खुवाउन मात्रै वार्षिक पाँच लाख ७६ हजार रुपैयाँ खर्च हुने गरेको विद्यालयले जनाएको छ । शिक्षक दरबन्दीको असमान वितरणले पनि दुर्गमका विद्यालय यसरी नै समस्यामा पर्ने गरेका छन् । अहिले पनि सुगमका विद्यालयमा दरबन्दी बढी हुने र दुर्गममा न्यून हुने समस्या यथावत् छ । अर्थाभाव झेलेका विद्यालयले चन्दा सहयोगबाटै विद्यालय धान्दै आएका छन् । रासस

वि.सं.२०७३ पुस ६ बुधवार १०:५२ मा प्रकाशित

NLIC AD
NABIL bank AD
लेकाली भेगमा पाइने जडीबुटी लोप हुने अवस्थामा

लेकाली भेगमा पाइने जडीबुटी लोप हुने अवस्थामा

मान्म (कालीकोट) । कालीकोटका लेकाली भेगमा पाइने जडीबुटी लोप हुने...

तातोपानी नाकाबाट लक्ष्यभन्दा बढी राजस्व सङ्कलन

तातोपानी नाकाबाट लक्ष्यभन्दा बढी राजस्व सङ्कलन

चौतारा (सिन्धुपाल्चोक) । चालु आर्थिक वर्षको नौ महिनामा तातोपानी भन्सार...

अर्थतन्त्रमा सुधार आउन थालेको मन्त्री भण्डारीको भनाई

अर्थतन्त्रमा सुधार आउन थालेको मन्त्री भण्डारीको भनाई

काठमाडौँ । उद्योग, वाणिज्य तथा आपूर्तिमन्त्री दामोदर भण्डारीले केही समयदेखि...

लुम्बिनी प्रदेशको मन्त्रिपरिषद् विस्तार, को–को बने त मन्त्री ?

लुम्बिनी प्रदेशको मन्त्रिपरिषद् विस्तार, को–को बने त मन्त्री ?

काठमाडौं । लुम्बिनी प्रदेशका मुख्यमन्त्री जोखबहादुर महराले मन्त्रिपपरिषद् विस्तार गरेका...

तेल प्रशोधन केन्द्र अलपत्र

तेल प्रशोधन केन्द्र अलपत्र

राँझा (बाँके) । बाँकेको राप्ती सोनारी गाउँपालिका–६ फत्तेपुरमा स्थापित सुगन्धित...

जलिरहेको अवस्थामा युवतीको शव बरामद

जलिरहेको अवस्थामा युवतीको शव बरामद

गोदार (धनुषा) । जनकपुरधाममा जलिरहेको अवस्थामा एक युवतीको शव फेला...