Sansar News
१७ वैशाख, काठमाडौँ । पूर्वसभामुख कृष्णबहादुर महराले राष्ट्रिय एकता कायम गर्न अपिल गरेका छन् ।
नेपाल कम्युनिष्ट पार्टी(नेकपा) भित्र आन्तरिक विवाद बढ्दै गैरहेको र सचिवालयको बैठक बस्न गैरहेको पूर्वसन्ध्यामा तत्कालिन नेकपा माओवादी केन्द्रका महासचिवसमेत रहेका महराले वक्तव्य निकालेर अहिलेको विशम परिस्थितिमा राष्ट्रिय एकता अपरिहार्य रहेको बताएका हुन् ।
‘हालको अवस्थामा सबै दल तथा जनसुदाय मिलेर कोरोना भाइरस विरुद्ध संघर्ष गर्ने बेला हो, मुलुककै सबैभन्दा ठूलो तथा सरकार सञ्चालन गरिरहेको दल नेपाल कम्युनिष्ट पार्टी (नेकपा) भित्र देखिएको विवादले आम जनता निराश बनेको’ वक्तव्यमा उल्लेख गरेका छन् ।
यस्तो जटिल अवस्थामा दलहरुबीच एकता र सहकार्य हुनुपर्नेमा विवाद देखिनुलाई राम्रो मान्न नसकिने बताउँदै उनले दलहरुबीच आन्तरिक एकता कायम गरेर संवाद, सहमति र सहकार्यबाट अगाडी बढ्नु पर्नेमा जोड दिएका हुन् ।
वि.सं.२०७७ वैशाख १७ बुधवार ११:१४ मा प्रकाशित
