Sansar News
२५ बैशाख, काठमाण्डौं । भोलीबाट सुरु हुने संसदको वर्षे अबिधेशनमा सहभागी हुने सांसदहरुको कोरोना संक्रमण भए÷नभएको पत्ता लगाउन नमुना परीक्षण गरिएको छ ।
विहिबार संघीय संसदको लोहोत्से हलमा बिहान १० बजेदेखि पिसीआर प्रविधिबाट नमुना परीक्षण सुरु गरिएको हो । जसमा २०३ जना सांसदसहित ४३३ जनामा कोरोना परीक्षणका लागि स्वावको नमुना लिइएको हो । जसमा १७० जना प्रतिनिधिसभा र राष्ट्रियसभाका ३३ जना सांसदहरु सहभागी रहेका थिए ।
आज संकलन गरिएको स्वाब टेष्टको नतिजा शुक्रबार दिउँसो सम्म आउने बताइएको छ ।
भोली ४ बजेदेखि सुरु हुने वर्षे अबिधेशनको बैठकमा सहभागी सांसदहरुले कोरोना नभएको रिर्पोट देखाएर मात्र संसद भवन प्रवेश गर्न पाउने छन् । सभामुख अग्नि सापकोटाको अध्यक्षतामा बसेको कार्य व्यवस्था परामर्श बैठकले पिसीआर प्रविधिबाट गरिएको जाँचमा कोरोना नेगेटिभ देखिएका मात्र संसद भवन प्रवेश गर्न पाउने निर्णय गरेको हो ।
तस्बिरः रासस
वि.सं.२०७७ वैशाख २५ बिहीवार १५:२३ मा प्रकाशित
