Sansar News
२८ बैशाख, बुटवल । बुटवल उपमहानगरपालिकाले बन्दाबन्दीको समयमा खोलिने विभिन्न पसलहरु र खुल्ने समयबारे जानकारी दिएको छ ।
उपमहानगरपालिकाका अनुसार बुटवलमा दाल, चामल, नुनतेल, तरकारी तथा फलफूल पसलहरु, बीउबीजन, पशुपंक्षीको दाना, एग्रोभेट, भेटेनरी औषधि पसल र नर्सरी बिहान ९ बजेदेखि दिउसो २ बजेसम्म खुल्ने छन् ।
त्यस्तै दूग्धजन्य पदार्थका पसल तथा डेरीहरु बिहान ६ बजेदेखि ८ बजेसम्म र बेलुका ५ देखि ७ बजेसम्म खुल्नेछन् । साथै सबैप्रकारका औषधि पसलहरु जुनसुकै समयमा पनि खोल्न पाइनेछ ।
उपमहानगरपालिकाद्धारा जारी सूचना अनुसार होटल, शैलुन, ब्यूटीपार्लर, सिनेमा हल, जिमखाना आदि यथावत रुपमा बन्द रहनेछन् ।
वि.सं.२०७७ वैशाख २८ आइतवार १७:४५ मा प्रकाशित
