हामी सबैकाे संसारन्यूज

२ जेठ, काठमाण्डौं । नेपालमा सोमबार (जेठ २ सम्म) ८६ हजार ९९९ जनामा कोरोना परीक्षण गरिएको छ । जसमा पछिल्लो २४ घण्टामा २००८ जनामा परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।

मन्त्रालयका अनुसार आजसम्म पिसीआर प्रविधिबाट २३ हजार ९१४ र आरडिटी प्रविधिबाट ६३ हजार ८५ जनामा परीक्षण गरिएको छ । पछिल्लो २४ घण्टामा देशैभरी पिसीआर प्रविधिबाट १,२५० र र्यापिड प्रविधिबाट ७५८ नमुना परीक्षण गरिएको हो ।

प्रदेश परीक्षण विवरण
त्यसैगरी प्रदेश नं १ मा ८,९३३ प्रदेश नं २ मा ५,९८२, बाग्मती प्रदेशमा ९,६७८, गण्डकी प्रदेशमा ६,८६२, प्रदेश नं ५ मा ७,३०३, कर्णाली प्रदेशमा ७,९७१ र सुदूरपश्चिम प्रदेशमा १६ हजार ३५७ जनामा आरडिटी प्रविधिबाट परीक्षण गरिएको हो ।

क्वारेन्टाइनमा रहनेको संख्या
हाल सातै प्रदेशमा विभिन्न क्वारेन्टाइनमा १५ हजार ६८३ जना रहेका छन् । जसमा प्रदेश नं १ मा ८८५, प्रदेश नं २ मा २,०५१, बाग्मती प्रदेशमा ११७, गण्डकी प्रदेशमा ३०७, प्रदेश नं ५ मा ८,३२५ कर्णाली प्रदेशमा १,०८२ र सुदूरपश्चिम प्रदेशमा २,९१६ जना रहेको स्वास्थ्य मन्त्रालयले शुक्रबार (जेठ २ गते) को नियमित पत्रकार सम्मेलनमा जानकारी दिएको हो ।

आइसोलेशन र रेडजोनमा
त्यसैगरी हालसम्म आइसोलेशनमा २६७ जना रहेका छन् । जसमा उपत्यकामा २७ जना र बाहिरका अस्पतालमा २४० जना रहेका छन् । उनीहरुमा प्रदेश १ मा २२, प्रदेश २ मा १०२, बाग्मती प्रदेशमा ३४ र गण्डकी प्रदेशमा १ र प्रदेश नम्बर ५ मा १०८ जना रहेका छन् ।
त्यस्तै आजसम्म रेडजोन (संभावित संक्रमति) मा रहेकाको संख्या ३६३ पुगेको छ । पछिल्लो २४ घण्टामा ४ जना थपिएका छन् । रेडजोनमा रहेकाहरुको कन्ट्याक ट्रेसिङ कार्य भइरहेको बताइएको छ ।

कुन प्रदेशमा कति संक्रमित
हालसम्म संक्रमित भएकामध्ये प्रदेश १ मा ३५, प्रदेश २ मा १००, बाग्मती प्रदेशमा १३, गण्डकी प्रदेशमा ३ प्रदेश ५ मा १०२ र सुदूरपश्चिम प्रदेशमा ५ जना संक्रमित भएको तथ्यांक रहेको छ । सातैवटा प्रदेशमध्ये कर्णाली प्रदेशमा अहिलेसम्म संक्रमित भेटिएका छैनन् ।

आज थप ९ जनामा कोरोना संक्रमण भएको पुष्टि, संक्रमतिको संख्या २५८ पुग्यो

संक्रमितको संख्या २५८ पुग्यो
नेपालमा आज बिहान थप नौ जनामा कोरोना संक्रमण भएको पुष्टि भएको छ । यो संगै नेपालमा संक्रमितको संख्या २५८ पुगेको हो । उनीहरुमा २१० जना पुरुष र४८ जना महिला रहेका छन् ।
राष्ट्रिय जनस्वास्थ्य प्रयोगशाला काठमाण्डौं र भेरी अस्पताल, नेपालगन्जमा गरिएको नमुना परीक्षणमा थप ९ जनामा कोरोना संक्रमण पुष्टि भएको हो ।संक्रमण देखिएकामा मकवानपुर निवासी ३७ वर्षीय पुरुष, बाँके नैनापुर १, ३ र ५ निवासी १८,२०,२२,२५,२५,२७,३२,३६ वर्षीय पुरुष रहेका छन् । उनीहरुमध्ये बाँकेका ८ जना भारतबाट आएका थिए ।

निको हुनेको संख्या ३६ पुग्यो
नेपालमा आज (जेठ २) सम्म संक्रमित भएकाको संख्या २५८ पुगेको छ । ती मध्ये निको हुनेको संख्या ३६ पुगेको छ । स्वास्थ्य तथा जनसंख्या मन्त्रालयका अनुसार आज डिस्चार्ज भएका १ जनासँगै निको हुनेको संख्या ३६ पुगेको हो ।

आजमात्रै कोशी अन्चल अस्पतालमा उपचाररत भोजपुरका उदयपुरका २५ वर्षीय युवा २७ दिनमा निको भएर घर फर्किएका छन् ।

नेपालमा ८५ हजारमा कोरोना परीक्षण, संक्रमितको संख्या २४६ पुग्यो, आइसोलेनसमा २७२ जना