हामी सबैकाे संसारन्यूज

२ जेठ, काठमाण्डौं । गैरआवासीय नेपाली संघ (एनआरएनए) ले नेपाली भूमीहुँदै चाइना पुग्ने भारतले निर्माण गरेको मार्गको बिरुद्ध पिटिशन दर्ता गर्न अनलाइन हस्ताक्षर संकलन सुरु गरेको छ ।

भारतको मिचाहा प्रवृति र नयाँ मार्गको बिरुद्ध पिटिशन गर्नको लागि अनलाइन हस्ताक्षर संकलन गरेर यो प्रयास गरिएको हो ।
हस्ताक्षर तत्काल नै सुरु भएको र मे ३१ सम्म जम्मा भएका हस्ताक्षरलाइ जुन १ मा सम्पूर्ण भारतीय दूतावास, मिशन र संबन्धित निकायमा बुझाइने संघले जानकारी दिएको छ ।
साथै ति बुझाइएका प्रतिहरु संघको अन्तराष्ट्रिय परिषदमा
रेकर्डको लागि पठाउनु पर्ने समेत बताइएको छ । हस्ताक्षर संकलनका लागि परिषद् र अन्तराष्ट्रिय समन्वय परिषदले पहल गर्नेछन् । संकलित सम्पूर्ण प्रतिहरुलाई अन्तराष्ट्रिय परिषदले जुन ५ मा भारतीय राजदूतावास काठमाण्डौ, नेपाल सरकारका गृहमन्त्रालय र परराष्ट्र मन्त्रालयमा समेत बुझाउने बताएको छ ।

थप जानकारी र हस्ताक्षरको लागि तलको लिंकमा क्लिक
गर्दै हस्ताक्षर गर्न समेत संघका अध्यक्ष कुमार पन्तले सबैमा अनुरोध गरेका छन् ।