२१ जेठ, काठमाडौं । काठमाडौंको मैतिदेवी क्षेत्रका व्यवसायीहरुले बुधबार बिहान व्यवसाय संचालन गर्न पउनुपर्छ भन्दै प्रदर्शन गरेका छन । बिहान ८.३० बजेको समयमा मैतिदेवी चोक आसपासका व्यवसायी सडकमा निस्किएका थिए ।
व्यवसायीहरुको एउटा समूह आफ्नो व्यवसायको सटर खोल्न थालेपछि प्रहरीले बन्द गराएको थियो । व्यवसायीहरुले सरकारले जेठ २५ गतेसम्म तिर्न भनेको करको पनि विरोध गरेका थिए । सरकारले लकडाउनलाई जेठ महिनाभरी जारी राख्ने निर्णय गरेपछि लकडाउनको मोडल परिवर्तन गर्नु पर्ने भन्दै आवज उठ्न थालेको परिपेक्षमा राजधानीमा यस्ता गतिबिधिहरु बढ्न थालेका छन ।
मंगलबार सरकारले चैत्र महिनासम्मको कर दाखिला गर्न सर्बजनिक सूचना मार्फत ताकेता गरेको थियो । सरकारको सूचान लगत्तै व्यवसायसंग संबद्ध संघसंस्थाहरु बिरोधमा उत्रिन थालेका थिए ।
मंगलबार मात्र राजधानीको बौद्ध लगायतका क्षेत्रहरुमा पनि व्यवसायीहरुले प्रदर्शन गरेका थिए भने नेपाल उद्योग वाणीज्य महासंघले सरकारलाई कर नतिर्ने भन्दै पत्राचार समेत गरेको समाचार सार्बजनिक भएको थियो ।
वि.सं.२०७७ जेठ २१ बुधवार ०९:५२ मा प्रकाशित