Logo
१२ असार २०७९, आईतवार
     Sun Jun 26 2022
E-paper
  English Edition
   Unicode
Logo

कविताः आफ्नै माटोमा



आँगन छुट्टिनु अगाडि
कसैले नदेखिने गरि
झारेको थिएँ मैले पनि
केही थोपा सुस्केरा
मेरो चिनो भनेर
गाउँको मनमा ।

सहर पसें त्यसपछी
बिर्सें गाउँको बाटो
तर पनि
निकै दिन गाउँलाई
मनमा खोजिरहें
सपनामा भेटिरहें ।

एकदिन मैले फेरि
सहरलाई विदा गरें
बादलभित्र सयर गर्दै
गाउँ सम्झें, सहर सम्झें
नयाँ आकाशको कल्पना गरें
त्यसपछी म फेरि
कता पुगें पुगें ।

आजभोलि
हरेक रात
व्यस्तताबाट थकाईलाई केलाएर
सम्झिन थालेको छु
आमाको मुहार
बाको काँध
साथी दौंतरिको साथ
अनि मुटुभरी सजाइरहन्छु
माटोलाई, झण्डालाई अनि
मनमनै आफूलाई सम्झाउँछु
जे छ गाउँमा छ, सहरमा छ
आफ्नै माटोमा छ
अनि देशमा छ ।


यो खबर पढेर तपाईलाई कस्तो महसुस भयो ?

काठमाण्डौं । आज देशभरका पहाडी भू–भागका धेरै स्थानहरुमा र बाँकी भू–भागका थोरै स्थानहरूमा मेघ

जलेश्वर । महोत्तरी जिल्लाको गौशाला नगरपालिका–५ मा गए राति दुईतले घरको छतबाट लडेर एक

मनहरी तिमिल्सिना । शुक्रबार एक सार्वजनिक कार्यक्रममा पूर्वप्रधानमन्त्री एवं नेकपा एमालेका अध्यक्ष केपी शर्मा

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा