-->
Logo
१४ असार २०७९, मंगलवार
     Tue Jun 28 2022
E-paper
  English Edition
   Unicode
Logo

कविताः झुटो बयान



मनको अदालतमा उभिएर
एक्कासी
बयान दिएको छ
चिहानघारीमा फुलेको
एउटा गुलाफले आज
आँसु पुछेको रूमाल
अनि त्यही रूमालमा
आँसुले लेखिएका
गीतका केही हरफहरू
हिउँ जस्तै कोमल रहर
पहेलो घाममा फुलेका
आगोका फूलहरू
पिठ्युमा
बुइ चढेर हिँडेका
रूमानी यादहरू
कुर्लुममै बोकेर
उभिएको छ आज
मनको अदालतमा
मेरै बयान दिन
तर भन्दै भन्दैन
मेरो आँखाको
हिउँ पग्लिएर
शोकाकूल भइ
किनारा भिजाएको
उसैले दिएको गुलाफले
मेरो मन मुटु रेटेर
हत्या गरेको
पटकपटक क्रान्ति गरेर
मेरो मौनताको दरबार
भत्काएको
यादै यादको सिरक
ओढाएर मेरा सपनाहरूको
आफै हत्यारा बनेको
बिसौनीमा पर्खीरहेको
मेरो एक मुस्कानलाई
पछाडिबाट छुरा धसेर
रक्ताम्मे बनाएको
त्यही मनमा झुन्डिएका
मेरा इन्द्रेणी रहरहरू
झिसझिसे उज्यालो मै
आफैले अपहरण गरेको
उसको आँसु पछ्याएर
हिडेका मेरा पदचापहरूमा
आँधी, हुरी र सुनामी चलाएको
खै उसले भनेको ??
यी सवका सव
सत्य कुराहरू नै हुन्
भन्दै भन्दैन केही पनि भन्दैन
केवल झुटो बयान लिएर
किन उभिएको हो कुन्नी
आज ऊ एक्कासी
मेरै मनको अदालतमा
सायद हुन सक्छ !!
झुट्टै झुटो बयान दिएर
मलाई नै आफ्नो
झुटो प्रेमको
हत्यारा सावित गर्न


यो खबर पढेर तपाईलाई कस्तो महसुस भयो ?

काठमाडाैं । नेपाल कम्युनिष्ट पार्टी एकता राष्ट्रिय अभियानका संयोजक बामदेव गौतमले मंगलबार नयाँ पार्टीको

पोर्चुगल । रोजगारीका लागि पोर्चुगल पुगेका रुपन्देहीका युवाको त्यहाँ पुगेको केही दिनमै निधन भएको

काठमाडौं । रुस र युक्रेनबीचको युद्ध पाँचौं महिनामा चलिरहेको छ । लम्बिदोँ युद्धमा रुस

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा