२० असार, काठमाडौँ । नेपाल कम्युनिष्ट पार्टी(नेकपा)को एकता र एकीकरणलाई टुंगोमा पुर्याउन पर्नेमा पार्टी बिभाजन गर्ने खालका गतिविधि र पार्टी बैठकलाई अवरुद्ध गर्ने , पार्टी निर्णयलाई नमान्ने प्रबृत्तिका बिरुद्ध युवा नेताहरुले खबरदारी गरेका छन् ।
नेकपाका केन्द्रीय सदस्य तहका युवा नेताहरुले शुक्रबार पार्टी कार्यालयमा दिउँसो १ बजे देखि ४ बजे सम्म पार्टी सत्याग्रह गरेका थिए।
सत्याग्रहमा नेकपाका केन्द्रीय सदस्यहरु जगन्नाथ खतिवडा ,डा। बिजय पौडेल,ठाकुर गैह्रे, रामकुमारी झांक्री, कृष्ण केसी , हिमाल शर्मा , प्रेमलकुमार खनाल, रवीन कोईराला, भास्कर काफ्ले , दिलुकुमारी पन्त, लेखनाथ न्यौपाने, सुरेन्द्र मानन्धर, हर्कबहादुर सिंह लगायतका केन्द्रीय सदस्यहरु थिए।
पार्टीलाई एकताबद्ध बनाउन यो अभियान देशव्यापी रुपमा संचालन गर्न केन्द्रीय सदस्यहरुले आह्वान गरेका छन्।
वि.सं.२०७७ असार २० शनिवार ११:३६ मा प्रकाशित