२८ असार, चितवन । रत्नननगर नगरपालिकामा सौराहा क्षेत्रमा बाढी पसेको छ । बढीका कारण त्यहाँ रहेका होटल तथा रेष्टुरेन्टहरु डुबानमा परेका छन् ।नगर प्रमुख नारायण बनले दिएको जानकारी अनुसार स्थानीय खगेरी खोलामा आएको बाढी पस्दा रत्न नगर नगरपालिकाको वडा नम्बर ७ र ८ मा रहेका होटल तथा रेष्टुरेन्टहरु डुबानमा परेको छन् ।
उक्त खोलाको बाढी पस्दा रत्ननगर नगरपालिका वडा नं. ८ मा रहेको होटल तथा रेस्टरेन्टहरु डुवानमा परेका छन् । बाढीले सोहि वडामा रहेको सुकुम्बासी बस्ती र एउटा प्रथामिक विद्यालय पनि डुबानमा परेको छ । वडा नं.–७को रमाइलो डाँडामा अवस्थित झुलुङगे पुलमा पनि बाढीले क्षति पुर्याएको बताईएको छ ।
आइतबार नै बसेको जिल्ला विपद् व्यवस्थापन समिति बैंठकमा नगर प्रमुख वनले अहिले सौराहा क्षेत्र डुवानको खतरामा रहेको जानकारी गराएका थिए । त्यसका लागि वनले आवश्यक समन्वयका लागि बैठकमा अनुरोध गरेको बताएका छन्। चितवनमै रहेका नेकपाका अध्यक्ष प्रचण्ड सो क्षेत्रको निरीक्षण गर्न जाने कार्यक्रम तय भएको बताईएको छ ।
वि.सं.२०७७ असार २८ आइतवार १४:३४ मा प्रकाशित