Logo
१० कार्तिक २०७८, बुधबार
     Wed Oct 27 2021
E-paper
  English Edition
   Unicode
Logo

शान्ति स्तूप निर्माणका लागि पूर्वमन्त्री सिंहद्वारा ४७ लाख सहयोग



१८ पुस, जुम्ला  । पूर्व खानेपानी तथा सरसफाइ मन्त्री प्रेमबहादुर सिंहले आफ्नो संसद् विकास कोषको रु ४७ लाख डुडुल चैत्य विश्व शान्ति स्तूप निर्माणका लागि सहयोग गर्नुभएको छ ।

समाजवादी जनता पार्टी नेपालका अध्यक्षसमेत रहनुभएका पूर्वमन्त्री सिंहले द हिमालयन पिस एसोसिएसनको पहलमा चन्दननाथ नगरपालिका–७ सिंगाचौर गाउँमा रु छ करोडको लागतमा निर्माणाधीन शान्ति स्तूपका लागि सहयोग गर्नुभएको हो ।

राष्ट्रिय योजना आयोग, पर्यटन बोर्डले स्तूप निर्माणका लागि पर्याप्त बजेट विनियोजन नगरेको तर स्तूपलाई अविलम्ब सम्पन्न गर्नुपर्ने आवश्यकता खट्केकाले आफ्नो संसद्् विकास कोषको रु ४७ लाख सात हजार ५०० प्रदान गरेको मन्त्री सिंहले राससलाई जानकारी दिनुभयो । “शान्ति स्तूप कर्णालीको पर्यटकीय पूर्वाधार हो र यसले पर्यटन विकासमा सहयोग पु¥याओस् भन्ने उद्देश्यले आफ्नो कोषको पूरै बजेट स्तूप बनाउन सहयोग गरेको हुँ” – उहाँले भन्नुभयो ।

सोही स्तूप निर्माणका लागि पूर्व संस्कृति पर्यटन राज्यमन्त्री बलबहादुर महतले रु २० लाख र ललितजङ्ग शाहीले रु एक लाख प्रदान गरेको स्थानीय विकास अधिकारी हरिनारायण बेल्बासेले जानकारी दिनुभयो ।

एसोसिएसनका अध्यक्ष दावा तामाङ लामाले विश्वमा शान्तिको देश नेपाल भनेर चिनाउन र कर्णालीबाट विश्वमा शान्तिको सन्देश फैलाउन स्तूप स्थापना गर्न लागिएको बताउनुभयो ।

समाजवादी जनता पार्टी नेपालका उपाध्यक्ष बुम्क्याप लामाले आफ्नो पार्टीले कालीकोट, मुगु, कैलाली, जाजरकोटलगायतका जिल्लामा धार्मिक मठमन्दिर, बाटोघाटो र खानेपानी निर्माणमा सहयोग गर्दै आएको बताउनुभयो । रासस


यो खबर पढेर तपाईलाई कस्तो महसुस भयो ?

काठमाडौं । बुधबार बेलुका सिंहदरबारमा अचानक गोली चलेको छ । तर, उक्त गोलीले कसैलाई

काठमाडौं । गैरआवासीय नेपाली संघको फाउण्डेशन विधिवत रुपमा दर्ता भएको छ । गैरआवासीय नेपाली

बलिउड नायिका कटरिना कैफले आफ्ना प्रेमी नायक विक्किी कौसलसँग लगन गाँठो कस्ने भएकी छन्

काठमाडौं । एकसातादेखि निरन्तर बढिरहेको सुनको मूल्य आज एकैदिन ६०० रुपैयाँले घटेक छ ।

काठमाडौं । यातायात व्यवस्था विभागले मंगलबारदेखि सवारी चालक अनुमति पत्र (लाइसेन्स)को नयाँ आवेदन खुलाएको