देबेन्द्र केसी, २३ पुस, छापचौर, नयाँदिल्ली । हातहतियार सहित चोरहरु गाँउ पसेको हल्ला सुनेपछि भुर्तुड्ग गाविस, कराड्गतुड्गका स्थानीयहरु त्रसित बनेका छन ।
गाँउलेहरुले पालैपालो गरेर मुख्य बाटो र टोलहरुमा गश्ती गरिरहेका छन । कराड्गतुड्ग पोखरी डाँडा निवासी जित बहादुर क्षेत्रीले भरुवा बन्दुक र खुकुरी लिएका तिनजना मुख छोपेका चोरहरु भवराँको चौरमा देखेको सुचना दिएपछि गाँउमा त्रास बढेको हो ।
गाँउलेहरुले संयुक्त गश्ती गर्न छापचौर स्थित प्रहरी प्रशासनलाई खबर गरेपनि शुक्रबार अपराह्न मात्र गाँउ पुगेको थियो प्रहरी । “हाम्रो टोली दिनभरि स्थानीयको साथमा पलुवा, भवँरा , पोखरीडाँडा , केराउछरे, फल्लाट र कराड्गतुड्ग पुग्यो तर त्यस्तो गतिविधि कतै देखिएन बरु बाघको त्रास र बिगबिगी देखियो । सर्वसाधारणलाई निर्धक्क रहन र आवश्यक परे प्रहरीलाई खबर गर्न लगाएर हामी फर्कियौ” भुर्तुड्ग प्रहरी ईन्चार्ज असई भेषराज यादवले भने ।
“हामीहरु टोली बनाएर कराड्गतुड्ग स्कूल, कमेरापानी र करानथाना मा टोली बनाएर गश्ती गरिरहेका छौ । प्रशासनले केहि परेमा बोलाउन भनेको छ” कराड्गतुड्गका प्रदिप केसीले भने । सबै भन्दा त्रास बुढाबुढी र महिलाहरुमा रहेको छ । चोरको डरले स्थानीय जंगल पनि जान छोडेका छन ।
