Sansar News
२४ पुस,काठमाडौँ । सहरी विकासमन्त्री अर्जुननरसिंह केसीले काठमाडौँ महानगरपालिका–३२ टङ्कप्रसाद घुम्तीमार्ग, अनामनगरमा निर्माण गर्न लागिएको काठमाडौँ उपत्यका विकास प्राधिकरणको कार्यालय भवन शिलान्यास गर्नुभएको छ ।
तीन रोपनी चार आना एक दाम क्षेत्रमा रु २० करोड ६३ लाखको लागतमा निर्माण गर्न लागिएको पाँचतले सो भवन भवन २०७६ साल सम्ममा सम्पन्न गर्ने लक्ष्य छ ।
उपत्यकालाई अझै सुधार गर्न मन्त्रालयले तयारी गरिरहेको छ भन्दै मन्त्री केसीले निर्माणाधीन प्राधिकरणको भवनलाई तदारूकताका साथ समयमै सम्पन्न गर्नसमेत निर्देशन दिनुभयो ।
सहरी विकास राज्यमन्त्री मिठू मल्लले राजधानी काठमाडौँ मात्र भन्दा पनि नेपालका अन्य सहरको सौन्दर्यलाई समेत सुधार गर्नुपर्छ भन्नुभयो ।
सहरी विकास मन्त्रालयका सचिव दीपेन्द्रनाथ शर्मा र प्राधिकरणका आयुक्त डा भाइकाजी तिवारीले भवन निर्माण कार्य समयमै सम्पन्न गर्ने प्रतिबद्धता व्यक्त गर्नुभयो । रासस
वि.सं.२०७३ पुस २४ आइतवार ०९:४१ मा प्रकाशित
