Logo
९ कार्तिक २०७८, मंगलवार
     Tue Oct 26 2021
E-paper
  English Edition
   Unicode
Logo

अर्घाखाँचीको बल्कोटमा चौतारीको नयाँ शाखा



chautari-foto

बुटवल । रुपन्देहीको बुटवलमा केन्द्रीय कार्यालय रहेको चौतारी लघुवित्त वित्तीय संस्थाले अर्घाखाँचीको बल्कोटमा  शाखा कार्यालय स्थापना गरेको छ । शाखा कार्यालयको नेपाल राष्ट्र बैंकका डिपुटी गर्भनर चिन्तामणी शिवाकोटीले उद्घाटन गरे । शाखा कार्यालयको उद्घाटन गर्दै उनले ग्रामीण क्षेत्रमा वित्तीय पहँुच पु¥याउनका लागि वित्तीय संस्थाहरुले लक्ष्यमा रहेर काम गर्नुपर्ने बताए । दुई चौथाई नेपालीहरु वित्तीय क्षेत्रको पहुँच बाहिर रहेको भन्दै उनले ग्रामीण क्षेत्रमुखी कार्यक्रम सञ्चालन गर्न वित्तीय संस्थालाई निर्देशन दिए । वित्तीय संस्थाको मूल लक्ष्य सबै जनतालाई वित्तीय साक्षरतामा केन्द्रीत हुनुपर्ने बताउँदै उनले ग्रामीण क्षेत्रको उत्पादनलाई आर्थिक विकासमा रुपान्तरण गर्नका लागि वित्तीय संस्थाको महत्वपूर्ण भूमिका हुने बताए । राष्ट्र बैंकले वित्तीय संस्था सुधारका लागि नयाँ–नयाँ नीति बनाउँदै आएको उनले बताए । देशको लागि पनि केही गर्नुपर्छ भन्ने सोंचले पैसाको सदुपयोग गर्दै रोजगारीको विकासमा लाग्नुपर्ने समय आएको उनले बताए । नेपालको गरिबी निवारणका लागि लघुवित्त संस्थाले महत्वपूर्ण काम गरिरहेको बताउँदै उनले लघुवित्तह?लाई गाउँ घर केन्द्रित भएर कारोवार गर्न आग्रह समेत गरे । ४८ वटा लघुवित्तले सेवा दिइरहेको र ६० भन्दा बढी दर्ता प्रक्रियामा रहेको जानकारी दिँदै उनले चुनौतिलाई समाधान गर्न सके राम्रो प्रगति गर्न सक्ने बताए । चौतारी लघुवित्त वित्तिय संस्थाका अध्यक्ष जगतबहादुर पोखरेलले निकट भविष्यमा थप ७ वटा शाखा खोल्ने तयारी गरिरहेको बताए । उनले चौतारी लघुवित्त गाउँकेन्द्रित हुने बताउँदै नमूना लघुवित्तको रुपमा स्थापित गर्ने बताए ।

१० जिल्ला कार्यक्षेत्र भएको चौतारी लघुवित्त वित्तीय संस्थाले हाल आफ्ना सबै कार्यक्षेत्र अन्तरगतका जिल्लामा गरि १७ वटा शाखा सञ्चालनमा रहेको तथा ती शाखा कार्यालयवाट संस्थाले ९ हजार समुह सदस्य मार्फत ३० करोड लगानी गरिसकेको र  वित्तीय संस्थाको यहि पुष २ गते सम्पन्न प्रथम वार्षिक साधारण सभावाट ५ जिल्ला कार्यक्षेत्र थप एवं पूंजी वृद्घी सम्बन्धी प्रस्ताव पास गरेको वित्तीय संस्थाका का.मु. प्रमुख कार्यकारी अधिकृत कमल वहादुर खत्री, जानकारी दिए ।

नेपाल राष्ट्र बैंकको स्वकिृती तथा कम्पनी रजिष्ट्रारको कार्यालयवाट स्वीकृत प्राप्त भए पश्चात यो वित्तीय संस्थाको कार्यक्षेत्र १५ जिल्ला र  अधिकृत पंूजी ३० करोड, जारी पंूजी १८ करोड तथा चुक्ता पंूजी १२ करोड ६० लाख पुग्ने बताईएको छ ।


यो खबर पढेर तपाईलाई कस्तो महसुस भयो ?

काठमाडौँ । सरकारले सरकारी स्वामित्वको नेपाल पुनर्बीमा कम्पनी लिमिटेड सञ्चालक समितिको अध्यक्षमा डा.रविन्द्र घिमिरेलाई

काठमाडौं । राष्ट्रिय सभाका २० सांसदको पदावधि आगामी फागुन २० मा सकिने भएको छ

८ कार्तिक, काठमाडौँ । एनआईसी एशिया बैंकले गत आर्थिक वर्षको मुनाफाबाट शेयरधनीहरुलाई लाभांश वितरण

काठमाडौं । गत आर्थिक वर्ष २०७७/०७८ मा आफ्नो निर्देशन उल्लंघन गर्ने विभिन्न आठ वाणिज्य

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना कार्यकर्ता शिव कुमार गिरी