हामी सबैकाे संसारन्यूज

१० मंसिर, काठमाडौं । नेपाली क्रिकेटका कप्तान ज्ञानेन्द्र मल्लसहित तीन खेलाडीमा कोरोना संक्रमण भएको पुष्टि भएको छ ।

संक्रमित हुने अन्य दुई खेलाडीमा उपकप्तान दीपेन्द्र सिंह ऐरी र रोहित कुमार पौडेल रहेका छन् ।

सुरक्षा साबधानी अपनाउँदा पनि विना लक्षण नै परीक्षण गराउँदा कोरोना पोजेटिभ देखिएको मल्लले सामाजिक संजालमा लेख्दै भनेका छन् । मल्लले आफ्नो सम्पर्कमा आएकाहरुलाई सावधानी अपनाउन समेत अनुरोध गरेका छन् ।

आजदेखि अनौपचारिक रुपमा सुरु भएको बन्द प्रशिक्षणका बोलाइएको २२ खेलाडी मध्ये १६ खेलाडीको स्वाव परीक्षण गरिएकोमा तीन खेलाडीमा संक्रमण पुष्टि भएको बताइएको छ ।

कोरोना देखिएका तीनैजना खेलाडीको अवस्था सामान्य रहेको र तीनैजना आइसोलेसनमा बस्ने बताइएको छ । साथै अर्का स्टाफ प्रदीप लामालाई पनि कोभिड पोजेटिभ देखिएको क्यानले जनाएको छ ।