२५ मङ्सिर, काठमाडौँ । १४ वर्ष पछि दक्षिण अफ्रिकी क्रिकेट टिम पाकिस्तान भ्रमणमा जाने भएको छ । २००७ पछि दक्षिण अफ्रिकी टिमको यो पहिलो पटक पाकिस्तान भ्रमण हुने छ ।
दक्षिण अफ्रिकी क्रिकेट र्बोडले २०२१ को जनवरीमा पाकिस्तान भ्रमणमा जानको लागि दक्षिण अफ्रिकी क्रिकेट टिमलाई अनुमति दिएको हो ।
CONFIRMED: SA tour to Pakistan ?@OfficialCSA is pleased to confirm that the #Proteas men’s team will travel to @TheRealPCB for their first tour since 2007. It will consist of a two-match Test and a three-match T20 series.
? https://t.co/a9UdLiSMcR#PAKvSA #SeeUsOnThePitch pic.twitter.com/IbYX3FHTf3— Cricket South Africa (@OfficialCSA) December 9, 2020
त्यस भ्रमणका क्रममा दक्षिण अफ्रिकी टिमले पाकिस्तान विरुद्ध २ खेलको टेस्ट श्रृखला र ३ खेलको टि-२० श्रृखला खेल्ने छ । दक्षिण अफ्रिकाले जनवरी २६ मा पाकिस्तान विरुद्ध पहिलो टेस्ट खेल्दैँ भ्रमणको सुरुवात गर्ने छ । यी दुई टिम बिच पाकिस्तानमा २००७ मा भएको २ खेलको टेस्ट श्रृखलामा दक्षिण अफ्रिकाले १-० ले जित हासिल गरेकाे थियो ।
२००९ मा पाकिस्तानमा टेस्ट श्रृखला खेल्न पुगेको श्रीलंकन टिम माथि आतंकवादी हमला भएको थियो जसमा श्रीलंकन टिममा ६ खेलाडी घाइते भएका थिए । त्यस हमला पछि पाकिस्तानले आफ्नो सबै श्रृखलाहरु युएईमा खेल्ने गरेको थियो ।
यी दुई टिम बिच हुने टेस्ट र टि-२० श्रृखलको खेल तालिका यस प्रकारको रहेको छ ।
टेस्ट श्रृखला:
पहिलो टेस्ट : २६-३० जनवरी, कराची
दोस्रो टेस्ट: ४-८ फेब्रुअरी, रावलपिंडी
टि-२० श्रृखला:
पहिलो टि-२०: ११ फेब्रुअरी, लाहोर
दोस्रो टि-२०: १३ फेब्रुअरी,लाहोर
तेस्रा टि-२०: १४ फेब्रुअरी, लाहोर
वि.सं.२०७७ मंसिर २५ बिहीवार १४:५० मा प्रकाशित