३ पुस, काठमाडौं । विदेशबाट आउने व्यक्तिले १० दिन अनिवार्यरुपमा क्वारेन्टिनमा बस्नुपर्ने भएको छ ।
स्वास्थ्य तथा जनसंख्या मन्त्रालयका अनुसार स्वास्थ्य मन्त्रालय अन्तर्गतको ‘इन्सिडेन्ट कमाण्ड सिस्टम’ को बुधबार बसेको बैठकले अब विदेशबाट फर्कनेले स्वदेश आएको दिनदेखि नै कम्तिमा १० दिन अनिवार्य रुपमा क्वारेन्टिनमा बस्नुपर्ने निर्णय गरेको हो ।
‘नेपाल प्रवेश गरेको वा संक्रमित व्यक्तिको सम्पर्कमा आएको दिनदेखि १० दिन अनिवार्य क्वारेन्टिनमा बस्ने व्यवस्था गर्न÷गराउन तथा संक्रमण पुष्टि भएपछि संक्रमितलाई कम्तिमा १० दिन अनिवार्य आइसोलेसन बस्ने व्यवस्था गर्ने गराउने निर्णय भएको हुँदा सोहि अनुसार गर्नु÷गराउनु हुन सम्बन्धीत सबैमा जानकारी गराइन्छ ।’ मन्त्रालयद्धारा जारी सूचनामा भनिएको छ ।
वि.सं.२०७७ पुस ३ शुक्रवार १४:२५ मा प्रकाशित