हामी सबैकाे संसारन्यूज

३ माघ,काठमाडौँ  । प्रेस चौतारी नेपालले साङ्गठनिक सुदृढीकरण र समसामयिक स्थितिका सम्बन्धमा आगामी दुई महिनाभित्र मुलुकका सातै प्रदेशमा भेला आयोजना गर्ने भएको छ ।

चौतारीको आज बसेको सचिवालय बैठकले यही माघ २२ गतेदेखि आगामी फागुन २ गतेसम्म ती भेला गर्ने निर्णय गरेको हो । चौतारीका महासचिव राजेश राईका अनुसार माघ २२ गते प्रदेश नं ४ को पोखरा, २३ गते प्रदेश ५ को दाङ, २४ गते प्रदेश ७ को टीकापुर, २५ गते प्रदेश ६ को सुर्खेत, २७ गते प्रदेश २ को वीरगन्ज, माघ २८ गते प्रदेश नं १ को इटहरी र फागुन २ गते प्रदेश नं ३ को ललितपुरमा ती भेला आयोजना हुनेछन् ।

नेकपा (एमाले) का सचिव तथा प्रचार विभाग प्रमुख योगेश भट्टराईको आतिथ्यतामा र सङ्गठनका अध्यक्ष गणेश बस्नेतको अध्यक्षतामा बसेको बैठकले प्रदेश सङ्गठन कमिटी पनि गठन गरेको जनाइएको छ । रासस