Logo
११ कार्तिक २०७८, बिहीबार
     Thu Oct 28 2021
E-paper
  English Edition
   Unicode
Logo

ग्रान्डीमा सातै दिन बालरोग उपचार सेवा



८ माघ, काठमाडौँ  । ग्रान्डी अन्तर्राट्रिय अस्पतालले बालरोग सम्पूर्ण उपचार सेवा अब हप्तामा सातै दिन चौबिसैघण्टा उपलब्ध गराउने भएको छ ।

अस्पतालको सेवा सुरु भएको पाँचौँ वर्ष प्रवेशका अवसरमा अस्पतालले बालरोग सम्पूर्ण उपचार सेवा सुरु गरेको हो ।

सातै दिन चौबिसै घण्टा बालरोग विशेषज्ञको उपलब्धता रहने पेडियाट्रिक आकस्मिक बाल उपचार सेवा, अस्पताल भर्नागरी उपचार गर्नुपर्ने बालबालिकाका लागि समर्पित पेडियाट्रिक बार्ड (समर्पित बाल उपचार कक्ष), सघन उपचार आवश्यक भएका नवजात शिशुका लागि नवजात सघन उपचार केन्द्र (नियोनेटल इन्टेन्सिभ केयर युनिट(एनआइसियु) र सघन उपचार आवश्यक भएका बालबालिकाका लागि बाल सघन उपचार केन्द्र (पेडियाट्रिक इन्टेन्सिभ केयर युनिट(पिआइसियु) को व्यवथा गरेको अस्पतालले जनाएको छ ।

त्यसैगरी सरुवारोगको सङ्क्रमण भएका र सघन उपचार आवश्यक भएका बिरामीका लागि एन आइसियु र पिआइसियुमा अलग्गै कक्षको समेत व्यवस्था गरिएको छ ।

अस्पतालको नवजात शिशु परामर्श केन्द्र(नियोनेटल केयर युनिट)मा एक महिनाभन्दा कम उमेरका नवजात शिशुका आमा, बाबुलाई सँगै राखेर विशेषज्ञहरुद्वारा परामर्श दिइन्छ । हेल्दी बेबी क्लिनिक (बाल स्वास्थ्य परीक्षण सेवा)अन्तर्गत बालबालिकाको स्वास्थ्य अवस्थाबारे जानकारी लिने तथा उनीहरुको स्वास्थ्य परीक्षण, परामर्श तथा उपचार सेवा उपलब्ध रहेको छ ।

जागरुक अभिभावकहरुका लागि बालबालिकाको विकास तथा उनीहरुको स्वास्थ्य अवस्थाबारे विशेषज्ञ चिकित्सकसँग जानकारी लिन यो सेवा उपयोगी रहने अस्पतालले जनाएको छ । रासस


यो खबर पढेर तपाईलाई कस्तो महसुस भयो ?

काठमाडौं । बुधबार बेलुका सिंहदरबारमा अचानक गोली चलेको छ । तर, उक्त गोलीले कसैलाई

काठमाडौं । गैरआवासीय नेपाली संघको फाउण्डेशन विधिवत रुपमा दर्ता भएको छ । गैरआवासीय नेपाली

काठमाडौं । एकसातादेखि निरन्तर बढिरहेको सुनको मूल्य आज एकैदिन ६०० रुपैयाँले घटेक छ ।

काठमाडौं । गत आर्थिक वर्ष २०७७/०७८ मा आफ्नो निर्देशन उल्लंघन गर्ने विभिन्न आठ वाणिज्य