back

हराएका महिला–बालबालिका काठमाण्डौंको  इँटाभट्टामा

वि.सं.२०७३ माघ ११ मंगलवार

165 

shares
NTC AD
Global IME AD

लिबाङ (रोल्पा) । घरबाट विद्यालय जान भनेर हिँडेकी गैरीगाउँ – ५ रोल्पाकी १३ वर्षीया मीना बुढाथोकी गत पुस ५ गतेदेखि हराइरहेकी छिन् ।

हराएपछि उनी कहाँ, किन र कोसँग गइन्, भन्नेबारे परिवारलाई कुनै किसिमको जानकारी भएन । चारैतिर उनको खोजी भयो, कहीँ कतै फेला नपरेपछि पुस १२ गते उनका अभिभावकमार्फत जिल्ला प्रहरी कार्यालय रोल्पामा खोजतलासका लागि उनको हुलियासहित निवेदन प¥यो । निवेदन परिसकेपछि प्रहरीमार्फत उनको खोजी जारी रहेको जिल्ला प्रहरी कार्यालय, महिला तथा बालबालिका सेवा केन्द्र रोल्पाले जनाएको छ ।

यस्तै मिझिङ– ८ रोल्पाका ११ वर्षीय सेरे महरा गत मङ्सिर ९ गतेदेखि घरबाट हराइरहेका छन् । बिहानसम्म घरमा रहेको छोरो साँझसम्म पनि घर नफर्किएपछि गाउँघर, टोलछिमेक चारैतिर उनको खोजी भयो तर कहीँ कतै फेला पर्न सकेनन् । उनका अभिभावकमार्फत खोजतलासका लागि मङ्सिर १७ गते जिल्ला प्रहरी कार्यालय रोल्पामा निवेदन प¥यो । यसरी निवेदन परेपछि प्रहरी कार्यालय मार्फत हालसम्म पनि उनको खोजी जारी रहेको प्रहरीले जनाएको छ ।

यस्तै बडाचौर– ४ रोल्पाकी २१ वर्षीया पार्वती थापा पुस २८ गतेदेखि घरबाट निस्किएर हराइरहेकी छन् । उनलाई घरपरिवारमार्फत गाउँ, घर, इष्टमित्र तथा माइती मावलीसम्म पनि खोजी गरियो तर कहीँ कतै फेला पर्न नसकेपछि उनको खोजीका लागि प्रहरीमा निवेदन प¥यो । उनको पनि प्रहरीले हालसम्म खोजी जारी राखेको छ ।

प्रहरी नायब उपरीक्षक रामप्रसाद घर्ती मगरका अनुसार खोजतलासका लागि देशका सबै जिल्लामा हराएका व्यक्तिको हुलियासहित जानकारी पठाइसकिएको छ । महिला तथा बालबालिका सेवा केन्द्र, रोल्पाको तथ्याङ्कानुसार चालु आवमा मात्र जिल्लाबाट करिब ४१ जना हराएकामा १८ महिला, १० बालक र १३ बालिका छन् ।

विशेषगरी ११ देखि १६ वर्ष उमेर समूहका किशोरी–युवती तथा ५० वर्ष उमेरसम्मका महिला हराउने गरेको तथ्याङ्कमा उल्लेख छ । हराएकामध्ये ११ जना फेला परिसकेका छन् भने अन्य ३० जनाको अवस्थाका बारेमा प्रहरीलाई थप जानकारी छैन ।

यसैगरी आव २०७२÷७३ मा जिल्लाबाट ८५ जना हराएकामा ३६ जना, ३१ बालिका तथा १८ बालक रहेको सेवा केन्द्रको तथ्याङ्कमा उल्लेख छ । आफूले रोल्पामा काम गर्दाको अनुभव सुनाउँदै मगरले भन्नुभयो– “हराएकामध्ये अधिकांश महिला तथा बालबालिका काठमाडाँैका विभिन्न इँटाभट्टामा पुग्ने गरेका छन् ।

गत पुस ७ गते काठमाडाँैको इँटाभट्टा जाँदै गरेका दुई महिला, एक पुरुष र अन्य ३१ बालकालिकालाई इँटाभट्टामा जाँदै गरेको अवस्थामा लिबाङको सदरमुकामस्थित टुँडिखेलबाट प्रहरीले फर्काएको थियो ।

यसरी हराएका व्यक्तिका अभिभावकले खोजतलासका लागि प्रहरीमा निवेदन दिने तर फेला परिसकेपछि पनि जानकारी नदिने भएको हुँदा सही तथ्याङ्क उपलब्ध गराउन नसकिने अवस्था रहेको बताइएको छ । रासस

वि.सं.२०७३ माघ ११ मंगलवार ११:१० मा प्रकाशित

NLIC AD
NABIL bank AD
लेकाली भेगमा पाइने जडीबुटी लोप हुने अवस्थामा

लेकाली भेगमा पाइने जडीबुटी लोप हुने अवस्थामा

मान्म (कालीकोट) । कालीकोटका लेकाली भेगमा पाइने जडीबुटी लोप हुने...

तातोपानी नाकाबाट लक्ष्यभन्दा बढी राजस्व सङ्कलन

तातोपानी नाकाबाट लक्ष्यभन्दा बढी राजस्व सङ्कलन

चौतारा (सिन्धुपाल्चोक) । चालु आर्थिक वर्षको नौ महिनामा तातोपानी भन्सार...

अर्थतन्त्रमा सुधार आउन थालेको मन्त्री भण्डारीको भनाई

अर्थतन्त्रमा सुधार आउन थालेको मन्त्री भण्डारीको भनाई

काठमाडौँ । उद्योग, वाणिज्य तथा आपूर्तिमन्त्री दामोदर भण्डारीले केही समयदेखि...

लुम्बिनी प्रदेशको मन्त्रिपरिषद् विस्तार, को–को बने त मन्त्री ?

लुम्बिनी प्रदेशको मन्त्रिपरिषद् विस्तार, को–को बने त मन्त्री ?

काठमाडौं । लुम्बिनी प्रदेशका मुख्यमन्त्री जोखबहादुर महराले मन्त्रिपपरिषद् विस्तार गरेका...

तेल प्रशोधन केन्द्र अलपत्र

तेल प्रशोधन केन्द्र अलपत्र

राँझा (बाँके) । बाँकेको राप्ती सोनारी गाउँपालिका–६ फत्तेपुरमा स्थापित सुगन्धित...

जलिरहेको अवस्थामा युवतीको शव बरामद

जलिरहेको अवस्थामा युवतीको शव बरामद

गोदार (धनुषा) । जनकपुरधाममा जलिरहेको अवस्थामा एक युवतीको शव फेला...