हामी सबैकाे संसारन्यूज

६ फागुन, काठमाडौँ । सचिव सरुवा पुनः हेरफेर गरिएको छ । गत साता दर्जन बढी सचिवको सरुवा गरेको सरकारले ६ सचिवको सरुवा हेरफेर गरेको हो । जसमा दुई जना सचिवलाई यथावत् राखिएको छ भने चार सचिवको सरुवा साटफेर भएको छ ।

मन्त्रिपरिषद्को बिहीबार बसेको बैठकले विभिन्न मन्त्रालय, आयोग, प्रदेश तथा कार्यालयमा कार्यरत १६ जना सचिवको सरुवा गर्ने निर्णय गरे पनि केही सचिवहरूले असन्तुष्टि जनाउँदै चिठी नबुझेपछि सचिवहरूको सरुवा यथावत् र हेरफेर गरिएको हो ।

यी हुन् रद्ध गरिएका दुई सचिव

यसअघि सरुवा गरिएका भूमि व्यवस्था सहकारी तथा गरिबी निवारण मन्त्रालयका सचिव टेकनारायण पाण्डेलाई सार्वजनिक खरिद अनुगमन कार्यालयमा सरुवा गरिएकोमा सो सरुवा रद्द गर्दै पाण्डेलाई भूमि व्यवस्था मन्त्रालयमा नै यथावत् राखिएको छ ।

यस्तै प्राकृतिक स्रोत तथा वित्त आयोगका सचिव बेगेन्द्रराज शर्मा पौड्याललाई भूमि व्यवस्था मन्त्रालयमा सरुवा गरिएकोमा त्यसलाई पनि रद्ध गर्दै यथावत् राखिएको छ ।

हेरफेर गरिएका ४ सचिव

सार्वजनिक खरिद अनुगमन कार्यालयमा निर्वाचन आयोगकी सचिव देवकुमारी गुरागाईँलाई पठाइएको छ । यसअघि गुरागाईँको उपराष्ट्रपति कार्यालयमा सरुवा गरिएको थियो ।

सार्वजनिक खरिद अनुगमन कार्यालयमा सरुवा गरिएका सचिव गोपीनाथ मैनालीको  सरुवा रद्द गर्दै उपराष्ट्रपति कार्यालय पु¥याइएको छ ।

उद्योग वाणिज्य तथा आपूर्ति मन्त्रालयको उद्योग सचिवमा गरिएको सरुवा प्रदेश १ का प्रमुख सचिव दिनेश भट्टराई लाई  वाणिज्यतर्फ सारिएको छ ।

वाणिज्य सचिवमा सरुवा भएका लोक सेवा आयोगका सचिव अर्जुन पोखरेललाई मन्त्रालयको उद्योग सचिवमा सरुवा गरिएको छ ।