Logo
९ जेष्ठ २०७९, सोमबार
     Mon May 23 2022
E-paper
  English Edition
   Unicode
Logo

यसकारण संसद पुनर्स्थापनाबाट तरंगित हुन जरुरी छैन



‘प्रतिनिधिसभाको पुनर्स्थापना’ सन्दर्भमा सर्वोच्च अदालतले फाुगन ११ मा गरेकाे फैसलाबाट तरङ्गित हुन कुनै जरुरी छैन । किनभने –

१. यसले नेपालको फासिवादी दलाल संसदीय व्यवस्था र तिनका सञ्चालकलाई मात्र केही सान्त्वना र केही हौसला दिएको छ, किनभने न्यायालय पनि यही व्यवस्थाको एउटा अङ्ग हो, आफूले आफैँलाई जोगाउनु कुन ठूलो कुरा भयो र ?

२. यसले बजारमा प्रचार गरिएजस्तो ‘ओलीको निरङ्कुशतावाद तथा फासिवादतर्फ उद्यत कदमलाई असफल तुल्याइदिएको’ भन्ने कुरा सर्वथा गलत हो । कसै–कसैले भनेजस्तो ‘एउटा प्रतिगमन त सच्चियो, अझ कैयौँ प्रतिगमन बाँकी छन्’ भन्ने कुरा झन् नितान्त बालपनसिवाय अरू केही होइन । पहिलो संविधानसभाको विघटनपछि नै प्रतिगमनको यात्रा तेजी हुँदै आएको थियो । यसअघि सरकारले देश र जनताका पक्षमा कुनचाहिँ काम गरेको थियो र !

३. ‘निर्वाचन वा पुनर्स्थापना’ आजका खास राजनीतिक मुद्दा थिएनन् । यसकारण पुनर्स्थापनाले नेपालको राजनीतिक मुद्दा हल त गर्दै गर्दैन, न कि यसले राष्ट्रियता, जनतन्त्र तथा जनजीविकाका समस्या नै समाधान गर्न सक्तछ ? त्यसकारण यसको देशभक्त, क्रान्तिकारी शक्ति, उत्पीडित तथा श्रमजीवी जनतासित कुनै साइनो सम्बन्ध छैन ।

४. यसले वर्तमान दलाल पुँजीवादी संसदीय व्यवस्थाभित्रको सङ्कट अझै गहिरिएर जाने एवम् देश र जनताको अवस्था झन्भन्दा झन् सङ्कटग्रस्त हुने कुरा निर्विवाद छ । विभिन्न शक्तिकेन्द्रका सुराकी, गुप्तचर र भत्तावालहरू भरिभराउ गराएर कथित राजनीतिक पार्टी चलाउनेहरूले फासिवादी यात्रा अझ क्रूर बनाउँदै लैजाने कुरामा कुनै शङ्का छैन ।

५. यसले नेपालको दलाल संसदीय व्यवस्थाको विरुद्ध रणनीतिक संयुक्त मोर्चालाई अझ व्यापक र प्रभावकारी बनाउनुपर्ने आवश्यकता मुखरित गरेको छ । क्रान्तिकारी शक्ति र दलाल संसदवादीहरूका बिचको सङ्घर्षलाई सघन र घनीभूत बनाउँदै वैज्ञानिक समाजवादी राज्यप्रणालीको स्थापनार्थ जनक्रान्तिलाई निर्णायक तवरबाट अघि बढाउनुको कुनै विकल्प छैन ।


यो खबर पढेर तपाईलाई कस्तो महसुस भयो ?

स्थानीय चुनाव सकिनै लाग्दा जबरजस्त रुपमा एउटा घमण्डको अन्त भयो । नेकपा एमालेले योभन्दा

काठमाडौं । भरतपुर महानगरपालिकाको मत गणना करिब अन्तिम चरणमा पुगेको छ । अब मात्रै

काठमाडौं । स्थानीय तहको निर्वाचनअन्तर्गत अन्तिम नतिजा आएका ७ सय २९ पालिकामध्ये स्वतन्त्र उम्मेदवारले

गण्डकी । स्थानीय तह सदस्य निर्वाचन– २०७९ अन्तर्गत जारी मतगणनामा पोखरा महानगरपालिकाको प्रमुखमा सत्ता

काठमाडौं । अन्तिम नतिजा आएका ७ सय ७ पालिकामध्ये नेकपा (माओवादी केन्द्र)ले १ सय