Logo
१४ असार २०७९, मंगलवार
     Tue Jun 28 2022
E-paper
  English Edition
   Unicode
Logo

तीन हरफे कविता




जिन्दगीको रङ्गमञ्चमा रहेछन् कैयौँ खेल
कोही हुन्छन् पास त कोही हुन्छन् फेल
चङ्खो जतिलाई घीउ, तेल सीधासोझालाई जेलनेल ।


अचेल गाउँ भएका छन् अति नै जाली
प्रगति देख्न नसकेर बेलाबेलामा दिन्छ गाली
दुःख पर्दा प…र बसी बजाउँछ रमाउँदै ताली ।


सानो सलाईको काँटीले भीषण आगो जल्दछ
पत्थर दिल पनि मीठो बोलीले मोमजस्तो गल्दछ
माया, प्रेम र विश्वासले यो नश्वर संसार चल्दछ ।


पुण्य कमाऊँ है साथी हो सत्कर्म गरेर
जानु त छँदैछ यस संसारबाट सबै एकदिन मरेर
सुरम्य बनाऊ जगतलाई प्रेमरसको बीउ छरेर ।


घुन कीराहरुको कारण समाजमा क्षति भएको देखियो
भलादमी भइटोपल्नेहरूको यहाँ मति पनि देखियो
भनौं नै भने, विद्वता देखाउनेहरूको गतिविधि नै पो देखियो ।


लर्के जोबन कर्के नजरले खुत्रुक्कै पारयौ तिमीले
मनको झोलीमा अनेक पनि थोक झर्यौ तिमीले
यौवनको बजारमा कतिजनाको घर फारयौ तिमीले ।


मुटुको व्यथा नबल्झाऊ प्रिये आघात दिएर
बाँच्या छु जीवन एकमुठी श्वासमा बीस ठाउँ सिएर
लानु नै के छ र यो संसारबाट, मर्छु बरू खूब पिएर ।


नाजुक छ अति यो दिल मेरो नतोड
बाँच्नु छ धेरै यहाँ मुण्टो तिमी नमोड
सानासाना कुरामा झगडा गरी साथ मेरो नछोड ।


नसोध प्रिये हाल मेरो कस्तो छ भनेर
गएको धेरै नै भयो अब आइहाल्छु भनेर
भन्दैछ्यौ अहिले त तिमीसित म बस्न सक्तिनँ भनेर ।

१०
प्रिये ! तिम्रो मनको नेटवर्क अचेत निकै डिस्टर्ब हुँदैछ
हेर्दाहेर्दै जीवनशैलीले तिम्रो दिनोदिन आकाश छुँदैछ
भाल्टाङभुल्टुङ घरमा बिचरा तिमीलाई खोजी दिनहूँ रूँदैछ ।

 


यो खबर पढेर तपाईलाई कस्तो महसुस भयो ?

पोर्चुगल । रोजगारीका लागि पोर्चुगल पुगेका रुपन्देहीका युवाको त्यहाँ पुगेको केही दिनमै निधन भएको

काठमाडौं । रुस र युक्रेनबीचको युद्ध पाँचौं महिनामा चलिरहेको छ । लम्बिदोँ युद्धमा रुस

असारको पहिलो साता  बागबजारका २ जनामा देखिएको हैजा त्यसको एकसातामै १२ जनामा पुष्टि भएको

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा