-->
Logo
१९ असार २०७९, आईतवार
     Sun Jul 3 2022
E-paper
  English Edition
   Unicode
Logo

सांसद किराँती भन्छन् – ‘नेकपा पुरानो ठाउँमा फर्कनै सक्दैन’



२३ फागुन, काठमाडौँ । भोजपुर जिल्लाका संघीय सांसद  सुदन किराँती अब नेपाल कम्युनिष्ट पार्टी(नेकपा) पुरानो ठाउँमा फर्कनै नसक्ने बताएका छन् ।

नेपाल कम्युनिष्ट पार्टी(नेकपा)को नाम विवाद बारे सर्वोच्च अदालतले आज गरेको फैसलापछि आएका टिकाटिप्पणीकै बीच सांसद किराँतीले यस्तो बताएका हुन् ।

सर्वोच्चले घोषणा पूर्वको साबिक तत्कालिन नेकपा(एमाले) र नेकपा (माओवादी केन्द्र) लाइ नै मान्यता दिने फैसला गरेसँगै आएका भ्रम र अन्यौलतालाई चिर्दै किराँतीले सर्वोच्चले फैसला गरे पनि नेकपा पुरानो ठाउँमा फर्कनै नसक्ने बताएका हुन्।

सर्वोच्चको फैसलाले मुलुकमा फेरि संवैधानिक र कानुनी जटिलता थपिएको भन्दै उनले अब यी दुई पार्टीहरु पुरानो स्थितिमा फर्कनै नसक्ने  बताउँछन्र ।  गोपाल किरातीको नाममा नेकपा (माओवादी केन्द्र) र संध्या तिवारीको नाममा नेकपा (एमाले) दर्ता भैसकेको उनकाे भनाइ छ ।

नेकपाकै नाममा सरकारले ३ वर्ष काम गरिसकेको छ । यसबीचमा उपनिर्वाचन र राष्ट्रिय सभाको निर्वाचन पनि भैसकेको हुँदा अब तिनको पद के होला भन्ने भन्ने जटिलता पनि रहेको उनले उल्लेख गरेका छन् ।

उनले सर्वोच्चको फैसलाले मुलुकमा फेरि संवैधानिक र कानुनी जटिलता थपिएको भए पनि सर्बाेच्चको फुल बेन्चले निकास दिनेगरी फैसला गर्ने विश्वास गरेका छन् ।
किराँतीले उठाएका ४ सवाल यी हुन् :
१, पार्टी एकता गर्दा पुरानो दुबै पार्टी भंग गरिएको भनिएको छ ।
२, गोपाल किरातीको नाममा नेकपा माओवादी (केन्द्र) र संध्या तिवारीको नाममा नेकपा (एमाले) दर्ता भै सकेको छ ।
३, उप निर्वाच र राष्ट्रिय सभाको निर्वाचन भै सकेको छ (तिनको पद के होला ? )
४, नेकपाको नाममा संचालित सरकारले बिगत ३ बर्षमा धेरै काम गरि सकेको छ ।
लाग्दछ मुलुकमा फेरि संवैधानिक र कानुनी जटिलता थपिएको छ आशा गरौं सर्बोच्चको फुल बेन्चले निश्चित रुपमा न्याय दिलाउने छ १


यो खबर पढेर तपाईलाई कस्तो महसुस भयो ?

काठमाडौं । नेकपा एमालेले पार्टीका विभिन्न केन्द्रीय विभागका सचिविहरु मनोनयन गरेको छ । पार्टीको

काठमाडौं । स्थानीय तहको निर्वाचनमा नेकपा (माओवादी केन्द्र)ले मधेश प्रदेश निकै नै अनपेक्षित नतिजा

काठमाडौं । नेकपा माओवादी केन्द्रको केन्द्रीय समितिको बैठक आजदेखि सुरु भएको छ । काठमाडौंको

काठमाडौं । नेपाल प्रहरीले जनपद तर्फको प्रहरी जवान पदमा ठूलो संख्यामा भर्ना खुलाएको छ