Logo
११ असार २०७९, शनिबार
     Sat Jun 25 2022
E-paper
  English Edition
   Unicode
Logo

युवापुस्तालाई दक्षता प्रदान गर्न पत्रकारिता तालिम शुरु



२५ फागुन, मोरङ । नयाँ पुस्तालाई पत्रकारिता क्षेत्रमा दक्षता प्रदान गर्ने उद्देश्यले तालिम शुरु भएको छ । नेपाल पत्रकार महासङ्घ केन्द्रीय समिति र सङ्घ मोरङ शाखाको संयुक्त आयोजनामा यहाँ एकहप्ते आधारभूत तालिम सञ्चालन गरिएको छ ।

तालिममा मोरङ, झापा, उदयपुर, सुनसरी, ओखलढुङ्गा, धनकुटा, सप्तरी र धनुषाका गरी ४० युवायुवती सहभागी छन् । आगामी चैत २ गते सम्पन्न हुने सो तालिमबाट स्थानीयस्तरमा रोजगारी सिर्जना हुने विश्वास लिइएको छ ।

पछिल्लो अवस्थामा यस पेशामा नयाँ पुस्ताको सहभागिता एवं रुचि बढिरहेकाले तालिम आयोजना गरिएको शाखाका सभापति बन्धु पोखरेलले जानकारी दिए । महासङ्घका पूर्व केन्द्रीय सभापति धर्मेन्द्र झाले प्रशिक्षण गर्नेछन् ।

विराटनगर महानगरपालिकाका प्रमुख भीम पराजुलीले तालिमको सोमबार उद्घाटन गर्दै पत्रकारिता क्षेत्र ज्यादै चुनौतीपूर्ण एवं कठिन रहे पनि गर्व गर्ने पेशा हो भने। उनले प्रशिक्षार्थीलाई लगनशील र इमान्दारीपूर्वक कार्य गर्न आग्रह गर्दै खोजमूलक पत्रकारिताले समाजलाई नयाँ बाटो देखाउन सहयोग पुर्याउने बताए ।

उनले समग्र पत्रकारिता क्षेत्रको विकासका लागि महानगरले सहयोग गर्ने प्रतिबद्धता व्यक्त गर्दै विगत केही वर्षदेखि पत्रकारिता क्षेत्रमा नयाँ अनुहारको खडेरी लागेको अवस्थामा व्यावसायिक पत्रकारिता गर्न आएका ठूलो सङ्ख्यामा सहभागी देखेर खुशी लागेको बताए ।

महासङ्घका पूर्व केन्द्रीय अध्यक्ष झाले पत्रकारिता क्षेत्रमा दक्ष जनशक्ति उत्पादनका लागि ११ जिल्लामा तालिमको आयोजना गरिएको जानकारी दिँदै समाजलाई रूपान्तरण गर्ने कार्यमा महिला पत्रकारको ठूलो भूमिका हुने बताए । उनले महासङ्घ स्थापना भएको ६५ वर्षको अवधिमा यस प्रकारको तालिम पहिलोपटक आयोजना गरिएको धारणा राखे ।

प्रादेशिक सञ्चार प्रतिष्ठानका कार्यकारी निर्देशक यज्ञ शर्माले सञ्चारकर्मी र सञ्चारगृहको क्षमता विकास गर्न प्रतिष्ठानले सहयोग गर्ने बताउँदै सिकेको ज्ञान व्यवहारमा उतार्न प्रशिक्षार्थीलाई आग्रह गरे।

महासङ्घका मोरङ अध्यक्ष पोखरेल, उपाध्यक्ष कुमोद अधिकारी, नेपाल प्रेस युनियनका उपाध्यक्ष लीलावल्लभ अधिकारी, महासङ्घका मोरङ पूर्वअध्यक्ष शिवबहादुर कार्की र महासङ्घका केन्द्रीय कार्यालयका सङ्घर्ष पन्तले पत्रकारको सुरक्षा र दुर्घटना उपचारमा महासङ्घले सहयोग गरेको धारणा राखे। तालिम बिहान ८ देखि मध्यान्ह १२ र दिउँसो २ देखि ६ बजेसम्म गरी दुई चरणमा सञ्चालन हुनेछ ।
रासस


यो खबर पढेर तपाईलाई कस्तो महसुस भयो ?

कास्की । गएरातिदेखि परेको अविरल वर्षाका कारण पोखरा महानगरपालिका-२५ हेम्जाका ३०० भन्दाबढी घर डुबानमा

मनहरी तिमिल्सिना । शुक्रबार एक सार्वजनिक कार्यक्रममा पूर्वप्रधानमन्त्री एवं नेकपा एमालेका अध्यक्ष केपी शर्मा

लुम्बिनी । बुटवल उपमहानगरपालिकाले आर्थिक वर्ष २०७९÷०८० का लागि रु दुई अर्ब ३५ करोडको

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा