Logo
१२ असार २०७९, आईतवार
     Sun Jun 26 2022
E-paper
  English Edition
   Unicode
Logo

राउटे युवा जागिर खोज्दै शहर पसे



२६ फागुन, कञ्चनपुर । चार दिनअघि नेपाली सेनाले वितरण गरेको राहत लिन भीमदत्त नगरपालिका–९ स्थित सिद्धनाथ मावि पुगेका लोपोन्मुख राउटे समुदायका २५ वर्षीय मानसिंह राउटेले कोरोना भाइरस संक्रमणका बेला राउटे परिवारलाई छाक टार्न धौधौ भएको दुखेसो पोखे । लकडाउनमा गाउँमा ज्याला मजदुरीसमेत पाउन छाडेपछि खाद्यान्नको निकै समस्या भएको बताउँदै उनले आफूहरु पनि जागिर खान इच्छुक रहेको बताए । गाउँमा ज्यालादारी गर्न नसकिएपछि केही दिन जङ्गलको कन्दमुललगायतको भरमा बाच्यौँ,’ उनले भने, ‘लोपोन्मुख भन्ने तर राहत भने सरकारले दिएन।’

उनले सरकारी निकायमा पियन पदमा भए पनि जागिर खाने मनसायमा रहेको बताउँदै राउटेले गाउँमा मजदुरी पाउन छाडेपछि चिन्तामा रहेको बताए। ‘पहिले त दिनभरि काम गरेर बेलुका चामल किनेर लग्थेँ,’ उनले भने‚ ‘कोरोना कम भए पनि गाउँमा मजदुरी भएन भने कसरी बाँच्ने?’भीमदत्त–९ ब्रह्मदेव र खल्लामसेटीमा गरी पाँच परिवार राउटे समुदाय रहेका छन्। डडेल्धुराको जोगबुढाबाट बसाइँ सरी आएका राउटे समुदायका लागि समाजमा कुनै खाले अवसर र सुविधा नरहेको अर्का नैनसिंह राउटेको दुखेसो छ।

‘हाम्रा छोराछोरी पढ्न सकेनन्,’ उनले भने‚ ‘वन जति सामुदायिक वन भए अब परिवारको जोहो कसरी चलाउने भन्ने चिन्ता भइरहन्छ।’उनले सेनाको श्री नम्बर २५ बाहिनी अड्डाबाट मिलेको चामल एक महिनासम्म खान पुग्ने बताए। ‘लकडाउनभरि एकपटक मात्रै राहत मिल्यो,’ उनले भने, ‘त्यो बेला उधारोमा रासन किनेर खायौँ।’

नैनसिंहले सरकारबाट पाउँदै आएको भत्ताले घरको केही हदसम्म खर्च टर्ने गरेको बताए। राउटे समुदायका युवायुवतीलाई आयमूलक काममा लगाउन सीपमूलक कार्यक्रम गाउँमा ल्याउनुपर्ने उनको माग छ। ‘अहिले हामी गाउँमा घर बनाउने काममा बढीजसो ज्यालादारी गरिरहेका छौँ,’ उनले भने, ‘बन्दमा भारत गएर मजदुरी गर्ने अवस्था पनि भएन।’

भीमदत्त–९ का वडाध्यक्ष राम नाथले आफ्नो वडामा एक दर्जन राउटे परिवार रहेको जनकारी दिए। ‘सुरुमा चार परिवार थिए, सबै वनमा गएर काठका भाँडाकुँडा बनाएर किनबेच गर्थें,’ उनले भने, ‘अहिले वनमा आश्रित छैनन्।’वडाध्यक्ष नाथले संघीय सांसद विकास कोष र जनता आवास कार्यक्रमको साझेदारीमा सात परिवार राउटेलाई पक्की घर निर्माण गरिएको बताए । ‘अहिले पनि अरु बाँकी राउटेको घर बन्ने योजनामा छ,’ उनले भने, ‘उनीहरुको रोजगारी भनेकै गाउँमा जाला मजदुरी गर्ने हो।’ राउटे परिवारका सदस्यले मासिक रु तीन हजार भत्ता सरकारबाट पाउने गरेका छन्। (रासस)


यो खबर पढेर तपाईलाई कस्तो महसुस भयो ?

काठमाण्डौं । आज देशभरका पहाडी भू–भागका धेरै स्थानहरुमा र बाँकी भू–भागका थोरै स्थानहरूमा मेघ

जलेश्वर । महोत्तरी जिल्लाको गौशाला नगरपालिका–५ मा गए राति दुईतले घरको छतबाट लडेर एक

मनहरी तिमिल्सिना । शुक्रबार एक सार्वजनिक कार्यक्रममा पूर्वप्रधानमन्त्री एवं नेकपा एमालेका अध्यक्ष केपी शर्मा

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा