Sansar News
१० चैत्र, काठमाडौं । एनआईसी एशिया बैंक लिमिटेडले आफ्नो स्वामित्वमा रहेको नेशनल लाईफ इन्स्योरेन्स र नागरिक लगानीकोषको संस्थापक शेयर आजदेखि विक्रीमा आएको छ ।
बैंकले नेशनल लाईफ इन्स्योरेन्सको ६१ हजार ३६६ र नागरिक लगानीकोषको ५० हजार कित्ता शेयर चैत १८ गतेसम्मका लागि लिलामी प्रकृयाबाट विक्रीको आव्हान गरेको हो ।
बैंकले नेशनल लाईफ इन्स्योरेन्सको शेयरको मूल्य प्रतिकित्ता रू. ४६६ र नागरिक लगानीकोषको प्रतिकित्ता रू। १ हजार ५४० तोकेको छ । यी कम्पनीको शेयर खरिदका लागि तोकिएका मूल्या वा सोभन्दा बढी मूल्य अंकित गरी बोलकबोल गर्नुपर्नेछ ।
दुबै कम्पनीको शेयर खरिदका लागि न्यूनतम १०० कित्तादेखि अधिकतम सम्पूर्ण कित्तासम्म खरिदको माग गर्न सकिनेछ । यी शेयर खरिद गरेका शेयरधनीहरुले चैत १० गतेपश्चात सम्बन्धीत कम्पनीबाट घोषणा हुने हकप्रद शेयर, बोनस शेयर तथा लाभांश प्राप्त गर्न सक्ने समेत बैंकले जानकारी दिएको छ । यो शेयर विक्री प्रबन्धकमा एनआईसी एशिया क्यापिटल रहेको छ ।
वि.सं.२०७७ चैत १० मंगलवार १२:२८ मा प्रकाशित
