Logo
११ असार २०७९, शनिबार
     Sat Jun 25 2022
E-paper
  English Edition
   Unicode
Logo

साझा सहमतिका लागि अध्यक्ष प्रचण्डको दलहरुसँग आव्हान, सरकारलाई दिएको समर्थन फिर्ता नलिन जबरजस्त दबाव रहेको समेत खुलासा



‘संसद् विघटनको विरुद्ध उभिएका दलबाटै समर्थन फिर्ता नलिन भन्दै दवाव छ, राजनीति उल्टो पर्छ कि भनेर । तर नैतिक र राजनीतिक रुपले अब माओवादी केन्द्रले समर्थन फिर्ता लिन धेरै दिन पर्खन सक्दैन । सरकारलाई दिएको समर्थन केही दिनभित्रै फिर्ता लिन्छौं ।’

१४ चैत्र, काठमाडौं । नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले प्रधानमन्त्री केपी शर्मा ओलीको प्रतिगामी कदमका बिरुद्ध आन्दोलनमा रहेका दलहरुलाई अबको राजनीतिक निकासका लागि समझदारी र सहमतिका लागि आव्हान गरेका छन् ।

विभिन्न राजनीतिक दलका नेताहरुको उपस्थिति रहेको राजधानीमा शनिवार सम्पन्न बृहत नागरिक आन्दोलनको छलफल कार्यक्रमलाई सम्बोधन गर्दै उनले सो आव्हान गरेका हुन् ।

उनले भने, ‘मेरो कोशिस यो परिवर्तित परिस्थितिमा प्रमुख राजनीतिक दलहरु जे प्रधानमन्त्रीको कदमलाई असंवैधानिक र अलोकतान्त्रिक भनेर सडकमा गयौं, ती राजनीतिक दलहरुका बीचमा अबको निकासबारे एउटा न्यूनतम सहमति र समझदारी होस् ।’

केपी ओली सरकारलाई दिएको समर्थन फिर्ता लिने कुरामा माओवादी केन्द्रले ढिला गरेको जनताको टिप्पणी उठिरहेको सन्दर्भमा उनले यस विषयमा समेत स्पष्ट पारेका छन् । अध्यक्ष प्रचण्डले सरकारलाई दिएको समर्थन केही दिनभित्रै फिर्ता लिने पनि स्पष्ट पार्दै उनले केपी ओली सरकारलाई दिएको समर्थन फिर्ता र अविश्वासको प्रस्ताव दर्ता सँगसँगै होस् भनेर एकदुई दिन आफूले हेरेको बताए । उनले अगाडि भने, ‘संसद् विघटनको विरुद्ध उभिएका दलबाटै समर्थन फिर्ता नलिन भन्दै दवाव छ, राजनीति उल्टो पर्छ कि भनेर । तर नैतिक र राजनीतिक रुपले अब माओवादी केन्द्रले समर्थन फिर्ता लिन धेरै दिन पर्खन सक्दैन । सरकारलाई दिएको समर्थन केही दिनभित्रै फिर्ता लिन्छौं ।’

उनले सो अवसरमा संसद विघटनलाई असंवैधानिक भनेर सडकमा गएका दलहरुबाटै हतारमा समर्थन फिर्ता नलिन आफूमाथि जबरजस्त दबाव रहेको समेत खुलासा गरे । अध्यक्ष प्रचण्डले जनदवावका कारण ‘अदालतसँगको सेटिङ’ भत्किएको र संसद पुनःस्थापना भएको बताए । नेकपाको एकता भत्काएर एमाले र माओवादी ब्युँताउने अदालतको निर्णय अस्वभाविक र अप्राकृतिक रहेको उनको भनाई थियो । उनले त्यसको लागि आफूहरु पुनरावलोकमा जाने जानकारीसमेत सो अवसरमा गराए ।

उनले माओवादी र प्रचण्डलाई तेजोवध गर्ने षड्यन्त्र भइरहेको बताउँदै यसको विरुद्धमा आफू लड्न आफू तयार रहेको बताए । मधेसी दलसँग सहकार्यको जरुरी रहेको बताउँदै आफू सँधै पहिचानको पक्षमा रहेको स्पष्ट पारे ।


यो खबर पढेर तपाईलाई कस्तो महसुस भयो ?

काठमाडौं । नेपाल राष्ट्र बैंकले आजको नेपाली बजारमा विदेशी मुद्राको भाउ यसप्रकार तोकेको छ

लुम्बिनी । बुटवल उपमहानगरपालिकाले आर्थिक वर्ष २०७९÷०८० का लागि रु दुई अर्ब ३५ करोडको

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को छोरा प्रकाश दाहालको ककनीमा

काठमाडौं । रुस र युक्रेनबीचको युद्ध ४ महिना बितिसक्दा पनि जारी छ । पछिल्ला