२४ चैत, काठमाडौं । एएफसी कप २०२१ अन्तरगतको प्रिलिमिनारी राउण्डमा नेपालको त्रिभुवन आर्मी क्लबले भोलि श्रीलंकाको श्रीलंका पुलिस स्पोर्टिङ क्लबसँग भिड्दै छ । खेल नेपाली समय अनुसार बेलुका ५:३० मा सुरुहुने छ ।
दशरथ रंगशालामा हुने खेलका लागि आफ्नो क्लब तयार रहेको त्रिभुवन आर्मीका कप्तान भरत खवासले बताए। उनले भने, ‘हाम्रो तयारी राम्रो छ । अतिजा आफ्नो पक्षमा आउनेमा आसावादी छौ ।’ उनी हालै सम्पन्न थ्री नेसन्स कपमा आफुले अवसर नपाएकोले यस खेलबाट आफु पूर्णरुपमा लयमा रहेको प्रमाणीत गर्न चाहेको पनि उनले बताए ।
आर्मीका प्रशिक्षक नवीन न्यौपाने पनि नतिजा आफूहरुको पक्षमा आउनेमा विश्वास्त रहेको बताए । ‘हामी जितका लागि खेल्छौं’ उनले भने, ‘हामी पहिला पहिलो चरणलाई पार गर्न चाहन्छौं ।’ उनले आफ्नो टोलीका केहि खेलाडीहरु घाइते रहेपनि नतिजा आफ्ना पक्षमा पार्नसक्ने टोली रहेको बताए । हाल आर्मीका सुमन अर्याल र टेक बहादुर बस्नेत घाइते छन्।
उता, श्रीलंका पुलिसका प्रशिक्षकले पनि आफ्नो टोली जितका लागि खेल्ने र हाल टोलीमा तीनजना विदेशी खेलाडी रहेकाले पनि सकारात्मक नजिता आउनेमा विस्वाश रहेको बताए ।
वि.सं.२०७७ चैत २४ मंगलवार १३:०० मा प्रकाशित
