२९ चैत, काठमाडौं । लिड्स युनाइटेडले प्रिमियर लिगको शीर्ष स्थानमा रहेको म्यानचेष्टर सिटीलाई पराजित गरेको छ । लिड्सले सिटीलाई उसैको घरेलु मैदानमा २-१ ले पराजित गरेको हो ।
पहिलो हाफमानै १० खेलाडीमा सिमित बनेको लिड्सले बलियो प्रतिद्धन्द्धी सिटीलाई पराजित गर्दा उसका लागि दुवै गोल स्टुअर्ड डल्लासले गरे । उनले पहिलो गोल खेलको ४२ औं मिनेटमा गरेका थिएभने दोस्रो गोल दोस्रो हाफको इन्जुरी टाइममा गर्दौ जित दिलाएका थिए ।
सिटीका लागि भने दोस्रो हाफको ७६औं मिनेटमा फेरान टोरेसलेले गोल गरेका थिए । पहिलो हाफको इन्जुरी टाइममा लियम कुपरले रातो कार्ड पाएपछि लिड्स दश खेलाडीमा समेटिएपनि जित निकाल्न सफल भएको थियो ।
जितसँगै ३१ खेलबाट ४५ अंकसहित लिड्स ९ औं स्थानमा छ । खेलमा हार व्यहोेरेको सिटीभने हारपछि पनि ३२ खेलबाट ७४ जोड्दै शीर्ष स्थानमै रहेको छ । ३० खेलबाट ६० अंकसहित म्यानचेष्टर युनाइटेड दोस्रो स्थानमा छ । समन ३० खेलबाट ५६ अंक जोडेको लेस्टर तेस्रो स्थानमा रहेको छ ।
वि.सं.२०७७ चैत २९ आइतवार ११:३३ मा प्रकाशित