Sansar News
३० चैत, काठमाडौं । नेपाली कांग्रेसका नेता प्रदिप गिरीले राष्ट्रिय सहमति कायम गरेर भएपनि पुनः संसद विघटन हुने सम्भावना रोक्नुपर्ने बताएका छन् । उनले प्रधानमन्त्रीले आफु चिरञ्जीबि रहेको अहम त्यागेर बर्तमान संविधानको कमिकजोरी सुधारमा सहयोग गर्नुपर्ने बताए ।
संसदको सोमबारको विशेष समयमा बोल्दै सांसद गिरीले प्रधानमन्त्रीको अहमका कारण हालको अवस्था आएकोले समाधान खोज्नु पर्नेमा जोड दिए। अहिलेको संकटको मुख्य दोषी प्रधानमन्त्री केपी शर्मा ओली हुन्, अब छोड भनेर पुग्दैन । समाधान दिनुपर्छ ।’ त्यसका लागि आवश्यक पर्छ भने राष्ट्रिय सहमतिको सरकार बनाउन पनि तयार हुनुपर्ने उनले बताए ।
संविधानलाई अपरिवर्तनिय ठान्दापनि हालको समश्या आएको उनले बताए । २०४७ सालको संविधानलाई यस्तै विश्वको नमुन संविधान भन्दा सानो समुहले गरेको विद्रोहबाट संविधान नरहेको कुरा स्मरण गराउदै उनले संविधानलाई सिध्याउने खेलमा लाग्नुको सट्टा आदिवासी, जनजाति, मदेशी र दलित लगायतको तमाम समश्याहरु समाधान हुने गरि संविधान संसोधन गर्नुपर्ने धारणा राखे ।
उनले सरकारले राष्ट्रवादी बन्नको लागि जारी गरेको नक्शाको हालको बिजोक अवस्था आएकोमा समेत चिन्ता व्यक्त गरे । साथै अन्य मुलुकले हामिलाई के ग¥या के गरेन भन्दापनि हामि हाम्रो ठाउमा ठिक भए अरुले केहि गर्न नसक्ने धारणा समेत राखे ।
वि.सं.२०७७ चैत ३० सोमवार १५:११ मा प्रकाशित
