हामी सबैकाे संसारन्यूज

एजेन्सी । फोर्ब्स पत्रिकाले सार्बजनिक गरेको विश्वको सबैभन्दा धनी फुटबल क्लबको सुचीमा बार्सिलोना पहिलो स्थानमा उक्लीएको छ । बार्सिलोनाले आफ्नो घरेलु प्रतिद्धन्द्धी रियल मड्रिडलाई पछि पार्दै पहिलो स्थानमा उक्लीएको हो ।

पछिल्लो दुई वर्ष लगातार पहिलो स्थानमा रहेको रियलको मुल्यमा यो बर्ष  बृद्धि भएपनि रियलको तुलनामा बार्सिलोनाको बृद्धि बढी भएको छ । बार्सिलोनाको कुल मुल्य ४ अर्ब ७६ करोड डलर पुग्दै पहिलो स्थानमा उक्लिएको हो ।

पछिल्लो २ वर्षमा बार्सिलोनाको मूल्यमा १८ प्रतिशतले बृद्धि आएको छ । उता, रियलको भने १२ प्रतिशतले बृद्धि हुदा ४ अर्ब ७५ करोड डलर मूल्यभइ दोस्रो स्थानमा झरेको छ ।

धनि क्लबको शीर्ष १० मा सदा जस्तै यस पटक पनि इङ्ग्लिस क्लबहरूकै बाहुल्यता रहेको छ । यस पटक ६ वटा इङ्ग्लिस क्लबहरूले धनि क्लबको सुचिमा आफ्नो स्थानमा बनाएका छन् । जसमा म्यान्चेस्टर युनाइटेड, लिभरपुल, म्यानचेस्टर सिटी, चेल्सी, आर्सनल र टोटनह्याम रहेका छन् ।

पछिल्लो दुई वर्षमा प्रतिशतको आधारमा सबैभन्दा बढी मुल्य बडाउनेमा  फ्रेन्च क्लब पेरिस सेन्ट जर्मेन रहेको छ उसको १२९ प्रतिशतले मूल्यमा बृद्धि आएको छ । त्यस्तै लिभरपुलले पनि ८८ प्रतिशतले बृद्धि हासिल गरेको छ ।

Most valuable football clubs in the world [@forbes] pic.twitter.com/6ASelvWMY9

— Bayern & Germany (@iMiaSanMia) April 12, 2021