हामी सबैकाे संसारन्यूज

७ बैशाख, पोखरा । कोरोना संक्रमण देखिएपछि होम आइसोलेशनमै रहेका गोरखाका एक पुरुषको निधन भएको छ ।

गोरखाको भिमसेनथापा गाउँपालिका १ का ७९ वर्षीय कोरोना संक्रमित पुरुषको होम आइसोलेशनमै रहेका बेला मृत्यु भएको गण्डकी प्रदेशको स्वास्थ्य निर्देशनालयले जनाएको छ ।

चैत २८ गते कोरोना संक्रमण भएर होम आइसोलेसनमा रहेका उनको बैशाख ४ गते घरमै मृत्यु भएको हो ।

उनीसँगै गण्डकी प्रदेशमा कोरोना संक्रमणबाट ज्यान गुमाउनेको संख्या २०९ पुगेको छ ।

त्यस्तै आज थपिएका ३२ जनासँगै प्रदेशमा कोरोनाबाट संक्रमण हुनेको संख्या १७ हजार २६३ पुगेको छ । ती मध्ये १६ हजार ४९२ जना निको भइसकेका छन् ।