हामी सबैकाे संसारन्यूज

८ बैशाख, काठमाडौं । नक्कली परीक्षार्थी सहभागी भएको पाइएपछि लोक सेवा आयोगले परिक्षा रद्द गरेको छ । गत फागुन २२ गते आयोगले प्रहरी जवान जनपद पदको लागि लिखित परीक्षा लिएको थियो ।

परीक्षामा सम्लग्न परिक्षार्थिले प्रवेश पत्र र नागरिकतामा अर्कैको नाममा फोटो बदलेर परिक्षा दिएको पाइएको हो । परीक्षामा अनियमितता गरेको पाइएपछि लोक सेवा आयोगले २१ जनाको परीक्षा नै रद्द गरिदिएको छ।

परीक्षा रद्द हुनेमा महेन्द्रनगरको सिद्धनाथ विज्ञान क्याम्पस, बाल जागृति मावि, अमिती कलेज कञ्चनपुर, अमिती कलेज महेन्द्रनगर, महेन्द्रनगर, दिपायल, लिटिल बुद्ध एकेडेमी महेन्द्रनगर, शन्ति निकेतन मावि महेन्द्रनगर, जानकी कन्या मावि महेन्द्रनगर परीक्षा केन्द्रबाट परीक्षा दिएका २१ परीक्षार्थी परेका छन् ।

उक्त परिक्षामा सम्लग्न नक्कली परीक्षार्थी र परीक्षार्थी दुबैलाई आयोगले पाँच वर्षसम्म परीक्षा दिन नपाउने गरि निलम्बन गरेको छभने उनीहरुलाई थप कारवाहीका लागि नेपाल प्रहरीलाई लेखेर पठाएको छ ।