Sansar News
१४ बैशाख, काठमाडौं। उपत्यकाका तीन जिल्ला काठमाडौं, भक्तपुर र ललितपुरका जिल्ला प्रशासनले आगामी बैशाख १६ देखि निषेधाज्ञा लगाउने भनेसँगै ग्यास डिपोमा भिड लाग्न थालेको छ । उपभोत्तामा निषेधाज्ञा लम्बिदै जादा ग्यासको अभाव हुने सन्त्रासका कारण यस्तो अवस्था सृजना भएको छ ।
तर, ग्यास उद्योग संघ भने उपत्यकामा ग्यासको अभाव नहुने बताउछ । ग्यास बिक्रेता महासंघ नेपालका अध्यक्ष ज्ञानेश्वर अर्यालका अनुसार उपभोत्ताले आतिएर ग्यास भण्डार गर्नुपर्ने अवस्था छैन् । निषेधाज्ञाको समयमा होटल, रिष्टुरेन्ट जस्ता बढि ग्यास खपत गर्ने क्षेत्र बन्द रहने हुदा उपभोत्ता आतिनुपर्ने अवस्था नरहेको उनले बताए ।
आयल निगमका अनुसार गत मार्चमा मात्रै भारतबाट ४७ हजार टन ग्यास आयात भएको छ । आयातको हिसाबले यो अहिलेसम्मकै बढि हो त्यसैले पनि उपभोत्ता आतिनुपर्ने अवस्था छैन् ।
निगमका प्रवक्ता विनितमणि उपाध्यायका अनुसार भारतमा कोरोना संक्रमण बढेपनि ग्यास आयातमा समस्या नभएको र कुनैपनि प्लान्ट बन्द नभएकाले हल्लाको पछि लाग्नुपर्ने अवस्था छैन् । उनका अनुसार आयतको तुलनमा खपतकम भएकोले आतिनुपर्ने अवस्था छैन् ।
हल्लाको पछि लागेर उपभोक्ताले ग्यास स्टक राख्न खोज्दा ग्यास व्यवसायीलाई भने लटरी लागेको छ । उद्योगहरु राम्रो सँग संचालनमा नआउदा ग्यास बिक्री नभएर चिन्तित रहेका ग्यास व्यवसायीहरु हल्लाका कारण व्यापार बढ्दा केहि सहज महशुस गरिरहेका छन् ।
वि.सं.२०७८ वैशाख १४ मंगलवार १६:०४ मा प्रकाशित
