१.
डाँडाको जुन भएँ जब म
घरले भन्छ जा जा,बनले भन्छ आ आ
धेरै दिन बाँच्दिनँ अब म
२.
बुढेसकाल लाएर हो कि
ज्युँने मनै ला छैन, के हुन्छ खै था छैन
हरेस मैले खाएर हो कि
३.
चिन्तै चिन्ता भएर सकिएँ
च्यापे पछि रोगले, त्यो भन्दा नि शोकले
आत्म बल गएर सकिएँ ।
४.
आफ्नै भन्ने झन पर बने
लठ्ठी मेरो भर भो, आगनी नि पर भो
हात खुट्टा थर थर बने
५.
देख्नेले नि दुर दुर गर्छन्
दुःख गरी हुर्काको, भन्छन् ऐले के भाको
सबै जना आफ्नै सुर गर्छन् ।
वि.सं.२०७८ वैशाख १८ शनिवार ०६:३५ मा प्रकाशित