Sansar News
वैशाख २०, काठमाडौं । सरकारले गण्डकी र सुदुरपश्चिम प्रदेशका प्रमुख हेरफेर गरेको छ । सोमबार बसेको मन्त्रिपरिषदको सिफारिसमा राष्टपति विद्यादेवी भण्डारीले गण्डकी र सुदुरपश्चिम प्रदेशमा प्रदेश प्रमुख हेरफेर गरेकी हुन् ।
मन्त्रिपरिषदको सिफारिसमा भण्डारीले गण्डकी प्रदेशमा सीता पौडेल र सुदुरपश्चिम प्रदेशमा गंगाप्रसाद यादवलाई प्रदेश प्रमुखको रुपमा नियुक्त गरेकी छन् ।
यसअघि गण्डकीमा अमिक शेरचन र सुदुरपश्चिम प्रदेशमा शर्मिला कुमारी पन्त प्रदेश प्रमुख थिए । पदमुक्त भएका शेरचन र पन्त माओवादी कोटाबाट प्रदेश प्रमुख बनेका थिए ।
२०७६ कात्तिकमा सरकारले सातै वटा प्रदेशको प्रदेश प्रमुख परिवर्तन गरेको थियो । तत्कालिन समय प्रदेश २, गण्डकी र सुदुरपश्चिममा माओवादी केन्द्र निकटकालाई प्रदेश प्रमुख बनाइएको थियो ।
सर्वोच्चको आदेशसँगै पूर्ववत अवस्थामा नेकपा (एमाले) र नेकपा (माओवादी केन्द्र) फर्किएसँगै एमाले सरकारले प्रदेश प्रमुख हेरफेर गरेको हो । यसअघि प्रदेश २ का प्रदेश प्रमुख तिलक परियार पदमुक्त गर्दै राजेश झालाई जिम्मेवारी दिइएको थियो ।
वि.सं.२०७८ वैशाख २० सोमवार १७:३३ मा प्रकाशित
