२० बैशाख, काठमाडौं । पछिल्लो २४ घण्टामा देशैभरी ३७ जना कोरोना संक्रमितको मृत्यु भएको छ ।
स्वास्थ्य तथा जनसंख्या मन्त्रालयका अनुसार देशैभरका विभिन्न जिल्लामा ३७ जना कोरोना संक्रमितको ज्यान गएको हो । एकैदिन मृत्यु हुनेको यो संख्या अहिलेसम्मकै बढी हो ।
त्यसैगरी पछिल्लो २४ घण्टामा देशैभरी ७,४४८ जना कोरोना संक्रमित थपिएका छन् । पिसीआर र ऐन्टिजेन गरी १७ हजार १७६ नमुना परीक्षणमा ७,४४८ जनामा कोरोना संक्रमण पुष्टि भएको हो । एकैदिन संक्रमित हुनेको यो संख्या पनि अहिलेसम्मकै बढी हो । पछिल्लो २४ घण्टामा थपिएका ७४४८ जनासँगै नेपालमा हालसम्म ३ लाख ४३ हजार ४१८ पुगेको छ ।
त्यस्तै आज देशैभरी २०२१ जना कोरोना संक्रमित निको भएका छन् । केही दिनयता निको हुनेको संख्या पनि बढ्दै गएको छ । आज निको भएका २०२१ जनासँगै हालसम्म निको हुनेको संख्या २ लाख ८६ हजार १५ पुगेको छ । निको हुनेको यो संख्या ८३.३ प्रतिशत हो ।
त्यसैगरी आज ३७ जना कोरोना संक्रमितको मृत्यु भएको भएसँगै नेपालमा हालसम्म मृत्यु हुनेको संख्या ३३६३ पुगेको छ ।
स्वास्थ्य तथा जनसंख्या मन्त्रालयका अनुसार हाल क्वारेन्टिनमा २१२ जना रहेका छन् भने ५४ हजार ४१ जना सक्रिय संक्रमित रहेका छन् ।
हालसम्म पिसीआर प्रविधिबाट २५ लाख २१ हजार १६४ नमुना परीक्षण गरिएको छ ।
त्यस्तै हालसम्म नेपालमा कोरोना भाइरसविरुद्धको खोप २० लाख ९१ हजार ५११ जनाले लिएका छन् ।
नेपालमा ह्वात्तै बढ्यो कोरोना संक्रमित हुनेको संख्या, आज ७२११ जनामा संक्रमण, २७ जनाको मृत्यु
वि.सं.२०७८ वैशाख २० सोमवार १७:३८ मा प्रकाशित
