हामी सबैकाे संसारन्यूज

सन्सारन्युज, २१, वैशाख । गण्डकी प्रदेशका निवर्तमान प्रमुख अमिक शेरचनले आफुलाई पदमुक्त गराएकोमा राष्ट्रपतिलाई धन्यवाद दिएका छन् । प्रदेश प्रमुख पदबाट मुक्त अधिकार विहिन जेलबाट मुक्त भएको भन्दै आफुलाई खुसी लागेको उनले बताए ।

पदमुक्त भएपछि पोखरामा पत्रकार सम्मेलन गर्दै निवर्तमान प्रदेश प्रमुख शेरचनले आफ्नो धारणा सार्वजनिक गरेका हुन् । आफले पदमा रहँदा कुनै अंसबैधानिक काम नगरेको निवर्तमान प्रमुख शेरचनको भनाई छ । प्रदेश प्रमुख भएर १८ महिना २ दिनसम्म काम गरेको जानकारी दिँदै शेरचनले यो अवधिमा सबैको सहयोग र सम्मान पाएको बताए । आफुले आफु पदमुक्त भएको जानकारी मिडियाबाट पाएको शेरचनको भनाई छ ।

सरकारले माओवादी केन्द्रका नेता शेरचनलाई गण्डकी प्रदेशको प्रमुखबाट सोमबार हटाएको थियो । सो पदमा एमाले नेता सीता पौडेललाई नियुक्त गरिएको छ ।