Sansar News
बैशाख २१ पैयु । गण्डकी प्रदेश पर्वत जिल्लाको महाशिला गाउपालिकाले कोरोना अस्पताल संचालनमा ल्याएको छ ।
महाशिला गाउपालिका ५ लंखु देउरालीमा रहेको बहुउद्धेश्यिय सभाहललाइ प्रयोग गर्दै अस्पताल संचालमा ल्याइएको जनाइएको छ ।
वडा न ५ लंखुका अध्यक्ष तथा सो गाउपालिकाका प्रवक्ता जीवन उच्चैे ठकुरीका अनुसार हाललाइ अक्सिजन सहितको ५ शैया तथा क्वारेन्टाइनका लागी आवश्यक सुबिधा सहितको १० शैया ब्यबस्था गरीएको छ ।
बिरामीहरुको तात्कालीक उपचार र हेरचाहका लागी १ जना डाक्टर सहित १ जना दक्ष नर्स, १ जना अहेव, १ जना अनमी र १ जना ल्याब टेक्निसियन रहने ब्यबस्था मिलाइएको जनाइएको छ ।
साथै जीउ दुख्ने, उच्च ज्वरो आउने, स्वासप्रश्वामा समस्या आउने लगायत कोरोनाको मिल्दोजुल्दो लक्षण देखापरेमा लुंखु देउराली प्राथमिक स्वास्थकेन्द्रमा एन्टिजेन परीक्षणको ब्यबस्था भएको समेत जनाइएको छ ।
पर्वत जिल्लाका ७ वटा पालिका मध्ये सबैभन्दा बढि भौगोलिक बिकटतामा रहे पनि यो पालिकाले स्वास्थ, शिक्षा र कृषि उत्पादनमा अग्रणी काम गरीरहेको छ । सो पालीकाको नेतृव्व बिकासबादी राजनीति गर्ने राजु पौडेलले गरीरहेका छन ।
वि.सं.२०७८ वैशाख २१ मंगलवार १२:४१ मा प्रकाशित
