हामी सबैकाे संसारन्यूज

२१ वैशाख, दिल्ली । सत्तारुढ भारतीय जनता पार्टी (भाजपा) मा आसाम विधानसभा चुनाव २०२१ जितेर दोस्रो कार्यकालको लागि सत्ता कायम राख्न सफल भएको छ।

भाजपाको नेतृत्वमा राष्ट्रिय प्रजातान्त्रिक गठबन्धन (एनडीए) ले उत्तरपूर्वी राज्यको १२६ विधानसभा सीटमध्ये ७५ सिटमा जित हासिल गरेर आसाममा लगातार दोस्रो पटक सत्ता कायम गर्न सफल भएको हो।

आइतबार मतगणना परिणाम अनुसार कांग्रेस र यसका सहयोगीहरूले ५० सीटमा जित हासिल गरेको छ।

भाजपाका स्टार प्रचारक रहेका प्रधानमन्त्री नरेन्द्र मोदीले जीत पछि आसामका जनतालाई धन्यवाद दिए। उनले पार्टी कार्यकर्ताहरूले गरेको कडा परिश्रमको पनि प्रशंसा गरे।

आसामका जनताले एनडीएको विकास एजेन्डा र राज्यमा रहेको हाम्रो सरकारको जनवादी ट्रयाक रेकर्डलाई पुनः आशिष दिएका छन्। ‘म आसामका जनतालाई धन्यवाद दिन चाहन्छु। एनडीए कार्यकर्ताको कामको कडा परिश्रम र सेवामा उनीहरूको अथक प्रयासको म कदर गर्दछु।’ प्रधानमन्त्री मोदीले ट्वीटमा भने।

असम विधानसभा चुनावको दौडमा, बीजेपीले असम गण परिषद र यूपीपीएल (युनाइटेड पीपुल्स पार्टी लिबरल) सँग सम्झौता गरेको थियो।

पार्टीका स्टार प्रचारकर्ताहरुमा प्रधानमन्त्री नरेन्द्र मोदी, केन्द्रीय गृह मन्त्री अमित शाह र उत्तर प्रदेशका मुख्यमंत्री योगी आदित्यनाथ थिए।

मार्च २७, अप्रिल १, र अप्रिल ६ मा तीन चरणमा पोलिङ् सम्पन्न भएपछि कांग्रेसले सहजै विजय प्राप्त गर्ने विश्वास गुमाएको थियो। बहु एक्जिट पोलले भाजपा नेतृत्वको गठबन्धनको लागि स्पष्ट जीतको भविष्यवाणी गरेको थियो।

(https://www.indianewsnetwork.com)