हामी सबैकाे संसारन्यूज

जनस्वास्थ्य विद् डा. रविन्द्र पाण्डेले कोरोना संक्रमणबाट गम्भीर विरामी भए मात्र अस्पताल आउन सुझाव दिएका छन् ।

उनले ९० प्रतिशत कोरोना संक्रमित घर बसेरै निको भएको बताउँदै गाह्रो भएमा कोभिड अस्पतालका फिभर क्लिनिकमा गएर छातीको एक्सरे लगायतका परीक्षण गर्न पनि सुझाएका छन् ।

‘उक्त परीक्षणबाट सामान्य अवस्था भएमा घरमै बसेर चिकित्सकको सल्लाह अनुसार उपचार गर्न सकिन्छ भने गम्भीर अवस्था भए अस्पतालमा ब्यबस्थापन हुन्छ ।’ सामाजिक संजालमा उनले लेखेका छन् ।

डा. पाण्डेले अहिले कोरोना महामारी निकै बढेको र यस्तो प्रतिकूल अवस्थामा धैर्य गरेर घरभित्रै बसिदिन पनि सबैमा अनुरोधध गरेका छन् ।

‘केहि दिन वा हप्ता हामीले धैर्यता एबम आत्म अनुशाशन पालना गर्यौं भने आफु, आफ्नो परिवार र समुदायलाई बचाउन सक्छौं । भेटघाट, भोजभतेर, घुमफिर, पेशागत काम,अध्ययन आदि गर्नको लागि पनि हामीले स्वास्थ्य रक्षा गर्नुपर्दछ । महामारी नियन्त्रणमा आएपछि हामीले स्वतन्त्र जीवनमा रमाउन पाउनेछौं । उनले भनेका छन् ।

उनले लेखेका छन्,
अहिले महामारी निकै बढेको छ । यस्तो प्रतिकुल अवस्थामा हामीहरु सकभर घरभित्र बसौं । केहि दिन वा हप्ता हामीले धैर्यता एबम आत्म अनुशाशन पालना गर्यौं भने आफु, आफ्नो परिवार र समुदायलाई बचाउन सक्छौं । भेटघाट, भोजभतेर, घुमफिर, पेशागत काम,अध्ययन आदि गर्नको लागि पनि हामीले स्वास्थ्य रक्षा गर्नुपर्दछ ्र महामारी नियन्त्रणमा आएपछि हामीले स्वतन्त्र जीवनमा रमाउन पाउनेछौं ।

यसैपनि कोरोना संक्रमणको मृत्युदर नेपालमा १ % मात्र छ ्र अहिले पनि ९० % संक्रमित घरमै सामान्य उपचारले निको हुनुभएको छ । पोषिलो खाना, व्यायाम, तनाब ब्यबस्थापन, सकारात्मक सोंच आदिबाट हाम्रो रोगसंग लड्ने क्षमता बढ्दछ ।

भारतमा देखिएको अक्सिजनको हाहाकार, मृतकको संख्या, अस्पताल तथा घाटको अवस्था देखेर हामी आत्तिनु पर्ने अवस्था हुँदैन ्र नेपालका अस्पताल संक्रमितले भरिए पनि निको हुने क्रम बढिरहेको छ । पुराना निको हुने तथा नयाँले त्यो ठाउँ पाउने क्रम चलिरहेको छ । त्यस्तै गाह्रो भएमा कोभिड अस्पतालका फिभर क्लिनिकमा गएर छातीको एक्सरे लगायतका परीक्षण गर्न सकिन्छ । उक्त परीक्षणबाट सामान्य अवस्था भएमा घरमै बसेर चिकित्सकको सल्लाह अनुसार उपचार गर्न सकिन्छ भने गम्भीर अवस्था भए अस्पतालमा ब्यबस्थापन हुन्छ ।

समाचारको आतंकले गर्दा मनमा कोरोना बोकेर आत्तिनु हुँदैन ।

.अत्यावश्यक कामले घरबाहिर निस्किनु परेमा डबल मास्क लगाउने, भौतिक दुरी कायम राख्ने, भीडभाडमा नजाने तथा हातको निरन्तर सफाइ गर्नाले हामी संक्रमणबाट बच्न सक्छौं । उपचारभन्दा रोकथाम सजिलो र सस्तो छ । नाकमुनी वा चिउड़ोमा मास्क लगाएका व्यक्तिलाई हामीले नागरिक तहबाट पनि सम्झाउन सक्छौं । व्यक्ति व्यक्तिमा रोकथामको प्रयास हुने हो भने संक्रमण घट्दै जान्छ । परिस्थति जतिसुकै प्रतिकुल भएपनि मनस्थिति बलियो भयो भने हामी कोरोना भाइरससंग लड्न सक्छौं ।