२२ वैशाख, काठमाडौं । प्रिमियर लिग क्लब म्यान्चेष्टर सिटी पहिलो पटक युरोपको प्रतिष्ठित फुटबल प्रतियोगिता च्याम्पियन्स लिगको फाइनलमा प्रवेश गरेको छ ।
मंगलबार राति भएको सेमिफाइनलकाे दोस्रो लेगमा पीएसजीलाई २-० को अन्तरले पराजित गर्दै सिटी फाईनलमा प्रवेश गरेको हो। सिटिले पीएसजीलाई समग्ररूपमा ४-१ पराजित गरेकाे छ । पहिलो लेगमा सिटीले पिएसजीलाई उसैको मैदानमा २–१ ले पराजित गरेको थियो ।
सिटीका लागि रियाद महारेज खेलको ११ औं र ६३ औं मिनेटमा गोल गर्दै टिमलाई फाइनलमा प्रवेश गराएका थिए ।
सिटी पछिल्लो तीन सिजनदेखि च्याम्पियन्स लिग फुटबलको क्वार्टरफाईनलमा पराजित हुँदै आएको थियो ।
सिटीले अब रियल मड्रिड र चेल्सीबीच हुने अर्को सेमिफाइनलको विजेतासँग उपाधिका लागि खेल्नेछ ।
वि.सं.२०७८ वैशाख २२ बुधवार ०९:०६ मा प्रकाशित