हामी सबैकाे संसारन्यूज

२२ बैशाख, अमेरिका । अमेरिकामा एक नेपाली विद्यार्थीको उपचारका क्रममा मृत्यु भएको छ ।

कास्की घर भई हाल अमेरिकाको क्यालिफोर्नियामा बस्दै आएकी रोजी रानाको अप्रिल १७ तारिक उपचारका क्रममा मृत्यु भएको छ ।

एक अनौठो रोग लागेकी २८ वर्षीया रानाको १७ तारिखका दिन क्यालिफोर्नियाको सेक्रमेमेन्टोमा रहेको सटर जनरल अस्पतालमा मृत्यु भएको मेरिल्याण्ड राज्यसभाका सदस्य ह्यारी भण्डारीले बताएका छन् ।

मास्टर्स अफ साइन्स इन नर्सिङ्ग सकेर बसेकी रानाको निधनले सबैलाई मर्माहत बनाएको भन्दै भण्डारीले दुःख व्यक्त गरेका छन् ।

उनको शब कतार एयरलाईन्सको जहाजबाट मंगलबार साँझ नै नेपाल पठाउन सफल भएको भण्डारीले जानकारी दिएका छन् ।