Sansar News
वैशाख २३, काठमाडौं । नेकपा (एमाले)को आकस्मिक स्थायी समिति बैठक प्रधानमन्त्री निवास बालुवाटारमा जारी छ । बैठक केहि बेर अघिदेखि सुरु भएको थियो ।
बैठकले औपचारिक रुपमा राष्ट्रिय सभा निर्वाचनका लागि बागमती र लुम्बिनीका उम्मेदवार तय गर्ने कार्यक्रम रहेको बताइएको छ । बैठकमा प्रधानमन्त्रीले विश्वासको मत लिने तयारीस्वरुप अन्य दलसँग बढाएको संवादबारे पनि छलफल हुनेछ ।
बुधबार मात्रै कांग्रेस र माओवादीसहितको विपक्षी गठबन्धनले राष्ट्रिय सभा निर्वाचनको लागि साझा उम्मेदवार चयन गरेका थिए । दलहरुले एमालेको माधव कुमार नेपाल पक्षीय नेता डा. खिमलाल देवकोटालाई बागमती प्रदेशको राष्ट्रिय सभा उम्मेदवारको रुपमा अगाडि सारेका छन् । उनी माओवादी केन्द्रको चुनाव चिन्हबाट चुनाव लड्दैछन् ।
जसलगत्तै प्रधानमन्त्रीले ओलीले कांग्रेस सभापति शेरबहादुर देउवासँग छलफल गरेका थिए ।
वि.सं.२०७८ वैशाख २३ बिहीवार ११:४३ मा प्रकाशित
