Sansar News
वैशाख २३, काठमाडौं । नेकपा (एमाले)को आकस्मिक स्थायी समिति बैठक सकिएको छ । प्रधानमन्त्री निवासमा बसेको बैठकले राष्ट्रिय सभा सदस्यको लागि उम्मदेवार चयन गर्ने विषयमा छलफल गरेको पार्टी प्रवक्ता एवं परराष्ट्रमन्त्री प्रदिप ज्ञवालीले जानकारी दिए ।
उनका अनुसार प्रधानमन्त्री केपी शर्मा ओलीले विश्वासको मत लिन गरेको तयारीबारे पनि बैठकमा छलफल भएको छ । बैठकमा कसरी विश्वासको मत प्राप्त गर्ने भन्ने बारे नेताहरुले सुझाब दिएको उनले बताए ।
बैठक लगत्तै प्रधानमन्त्री ओली भने राष्ट्रपति विद्यादेवी भण्डारीलाई भेट्न शितल निवास पुगेका छन् । उनी बैठक सकिए लगत्तै शितल निवास लागि निस्किएका थिए ।
ओली प्रायः महत्वपूर्णं निर्णय गरेको बेला वा निर्णय लिने तयारी गरेको बेला राष्ट्रपतिलाई भेट्न गईरहेका हुन्छन् । बिहिबारको भेटलाई पनि अर्थपूर्णं रुपमा हेरिएको छ ।
सम्बन्धित समाचार
बालुवाटारमा एमालेको स्थायी समिति बैठक, यी एजेण्डामा हुँदैछ छलफल
वि.सं.२०७८ वैशाख २३ बिहीवार ११:५९ मा प्रकाशित
