हामी सबैकाे संसारन्यूज

२३ वैशाख, काठमाडौं । अस्पतालहरुलाई भेन्टिलेटर लगायतका उपकरणहरु उपलब्ध गराउँदै आएको नेपाल भेन्टिलेटर सर्भिसले क्षमायाचना गरेको छ ।

सर्वसुलभ र सस्तो दरमै बिरामीलाई भेन्टिलेटर लगायतका सघन स्वास्थ्य उपकरणहरु  पु¥याउने उधेश्यले नीजि क्षेत्रबाट सञ्चालित नेपाल भेन्टिलेटर सर्भिसले पछिल्ला दिनहरुमा नेपालमा कोरोना भाइरस र यसको संक्रमणका कारण संक्रमितहरु बढीरहँदा अस्पतालहरुबाट ठूलो संख्यामा भेन्टिलेटरको माग भैरहँदा पनि उपकरण अभावका कारण उपकरण पठाउन नसकिएको भन्दै असमर्थताका लागि क्षमायाचना गरेको हो ।

भेन्टिलेटर सर्भिसमा रहेका सम्पूर्ण उपकरणहरु उपत्यका र उपत्यका बाहिरका विभिन्न अस्पतालमा पठाइसकिएको जानकारी गराउँदै अस्पतालहरुबाट ठूलो संख्यामा माग भएकोमा उपलब्ध गराउन नसकिएको बताइएको छ ।

दाताहरुबाट संकलित रकम सहित विभिन्न स्रोतबाट रकम जुटाएर हालसम्म ६० वटा भेन्टिलेटर र हाइप्लो नेजल क्यनुला लगायतका सघन उपचारमा प्रयोग गरिने उपकरणहरु संकलन गरेको र ती उपकरणहरु देशभरका विभिन्न १५ वटा अस्पतालहरुमा प्रयोग भैरहेको सर्भिसले जनाएको छ ।

सर्भिसले कोभिड संक्रमणले महामारीको रुप लिँदै गर्दा उपकरणहरुको माग बढ्दै गएको अवस्थामा थप उपकरण खरिदका लागि विभिन्न संघसंस्था तथा मनकारीहरुसँग सहयोगको अपिल समेत गरेको छ ।