हामी सबैकाे संसारन्यूज

२४ बैशाख काठमाडौं । संसद सचिवालयद्धारा गरिएको कोरोना परीक्षणमा १४ सांसदसहित ६५ जनामा कोरोना संक्रमण पुष्टि भएको छ ।

संसद सचिवालयका अनुसार सांसद, संसदका कर्मचारी तथा पत्रकारहरु गरि ६१३ जनाको श्वाव परीक्षण गरिएकोमा हाल प्राप्त रिर्पोट अनुसार १४ सांसदसहित ६५ जनामा कोरोना संक्रमण पुष्टि भएको हो ।

यहि बैशाख २७ गते प्रधानमन्त्री केपी शर्मा ओलीले विश्वासको मत लिनका लागि आव्हान गरिएको विशेष अधिबेशनको बैठकका लागि संसद सचिवालयमा बुधबार, बिहीबार र शुक्रबार श्वाव संकलन गरिएको थियो । श्वास संकलन गरिएकाहरु मध्ये अझै केहीको रिर्पोट आउन बाँकी रहेको संसद् सचिवालयले जनाएको छ ।

संसद् सचिवालयका कर्मचारीको संक्रमणका कारण मृत्यु
संघीय संसद सचिवालयका एक कर्मचारीको कोरोना संक्रमणबाट मृत्यु भएको छ ।

सचिवालयका कानुन शाखाका एक उपसचिवको बिहीबार बिहान मृत्यु भएको सचिवालयका सहायक प्रवक्ता दशरथ धमलाले बताएका छन् । धमलाका अनुसार मुटु तथा पथरीको समस्या रहेको उनमा बुधबार गरिएको कोरोना परीक्षणमा संक्रमण पुष्टि भएको थियो ।