हामी सबैकाे संसारन्यूज

२६ वैशाख, काठमाडौँ । जीवन बीमा कम्पनी युनियन लाईफ इन्स्योरेन्सले चालु आर्थिक वर्ष २०७७/७८ को तेस्रो त्रैमासिकको वित्तिय विवरण सार्वजनिक गरेको छ ।

कम्पनीले चालु आर्थिक बर्षको तेस्रो त्रैमासम्ममा ५ अर्ब ५ करोड ५१ लाख रुपैयाँ खुद बीमा शुल्क आर्जन गरेको छ । यो गत आर्थिक वर्षको साेहि अवधिकाे तुलनामा ५९.४० प्रतिशतले बढी हो । गत आर्थिक वर्षको साेहि अवधिमा कम्पनीले ३ अर्ब १७ करोड १४ लाख रुपैयाँ खुद बीमा शुल्क आर्जन गरेको थियो ।

कम्पनीको बीमा शुल्कमा वृद्धि आए पनि नाफा भने घटेको छ । यस त्रैमासमा कम्पनीको खुद नाफा ७.५६ प्रतिशतले घटेर ८ करोड २५ लाख रुपैयाँमा झरेको छ । गत आर्थिक वर्षको सोहि अवधिमा कम्पनीले ८ करोड ९२ लाख रुपैयाँ खुद नाफा कमाएको थियो ।

एक अर्ब ५० करोड ५० लाख रुपैयाँ चुक्ता पूँजी रहेको कम्पनीको जगेडा कोषमा ७३ करोड ७ लाख रुपैयाँ, जीवन बीमा कोषमा ६ अर्ब ९० करोड २ लाख रुपैयाँ र महाविपत्ती जगेडामा ८ करोड २१ लाख रुपैयाँ सञ्चित छ ।

कम्पनीको दावी भुक्तानी पनि उल्लेख्य बढेको छ । अघिल्लो आ.व.मा ६४ करोड ८५ लाख २५ हजार १ सय ५६ दावी भुक्तानी गरेको कम्पनीले यस आ.व.मा १ अर्ब ४५ करोड ९७ लाख १० हजार ५सय १ रुपैयाँ दावी भुक्तानी गरेको छ ।

सम्बन्धित समाचार …….

आईपिएओ निष्कासन गर्न लागेको सिटिजन लाइफ इन्स्योरेन्सको तेस्रो त्रैमासको वित्तिय विवरण सार्वजनिक